Конкурс «Пазнай Астравеччыну»

09:16 / 10.07.2020
173

У нашым конкурсе «Пазнай Астравеччыну» ўсталяваўся адносна стабільны склад удзель­ні­каў. І вельмі прыемна, калі да іх далучаюцца новыя – і стараюцца расказаць нешта адметнае пра конкурсны аб’ект.   Читать далее

08:53 / 02.07.2020
310

– Дзякуй вам за заданне! – з гэтымі словамі завітаў у рэдакцыю адзін з пастаянных удзельнікаў конкурсу «Пазнай Астравеччыну» Алег Драган. – Я, да свайго сораму, раней нічога не ведаў пра Здзіслава Здзіслававіча Шырынскага.  А шукаючы адказ на заданне, пранікся перыпетыямі яго лёсу. Што гэта быў за чалавек! Вось каму трэба помнікі ставіць! Читать далее

09:23 / 26.06.2020
431

Новы этап конкурсу «Пазнай Астравеччыну» выправіў пастаянных яго ўдзельнікаў у чарговую вандроўку – на гэты раз на багатую на адметныя мясціны і слынных лю­дзей Спондаўшчыну. Як справядліва зазначыла Алена Памецька,  у год 130-га юбілею слаўнага сына Астравеччыны Казіміра Сваяка нельга было не ўзгадаць у нашым конкурсе мясціны, звязаныя з яго жыццём. Читать далее

08:51 / 19.06.2020
214

Перш чым падвесці вынікі 21 тура конкурсу, хачу вярнуцца да папярэдняга, з варнянскай вежай-альтанкай, і папрасіць прабачэння ў Марыны Кімсы: мы не заўважылі сярод дасланых ёй матэрыялаў відэа і не далічылі адзін бал. Сёння выпраўляем гэтую памылку: за мінулы тур Марына Кімса атрымала 4 ачкі і з 60 агульнымі баламі працягвае лідзіраваць у нашым конкурсе. Читать далее

11:29 / 12.06.2020
267

Пасля дваццатага тура конкурсу напрошваецца выснова: няма, мусіць, такой мясціны на Астравеччыне, якую б не пазналі нашы канкурсанты; такога ракурсу на фотаздымку, які б збіў іх з панталыку.

Вось і на гэты раз: тое, што вядомая, бадай, усім турыстам, хто хоць аднойчы бываў на Астравеччыне, вежа-альтанка ў Варнянах была сфатаграфавана з тыльнага боку, да таго ж на здымку толькі фрагмент яе, нікога не ўвяло ў зман: усе, хто адгукнуўся, правільна адказалі на пытанне і дапоўнілі свае расповеды цікавымі падрабязнасцямі, шматлікімі фота- і відэаматэрыяламі. Читать далее

09:34 / 05.06.2020
262

«Вельмі радая, што ўвага арганізатараў конкурсу на гэты раз звернута на паўднёвую частку раёна», – гэтымі словамі пачала адказ на конкурснае заданне Кацярына Вараб’ёва. А Алена Памецька ў мінулы раз дзякавала, што не абыходзяць увагай яе родны спондаўскі край. Хочам патлумачыць, што, рыхтуючы заданні, мы імкнёмся зрабіць іх разнастайнымі не толькі па складанасці – хоць гэта, як паказваюць прамежкавыя вынікі конкурсу, паняцце адноснае, але і па геаграфіі, і па тэматыцы здымкаў, прапануючы пазнаць святыні, помнікі архітэктуры, культуры, прыроды ці проста адметныя мясціны Астравеччыны. Нам здаецца, гэта дазваляе ўдзельнікам конкурсу не толькі пазнаць і спазнаць родны край, але і дапамагчы зрабіць гэта ўсім неабыякавым чытачам. Читать далее

10:47 / 29.05.2020
244

Падбіраючы заданні для конкурсу, мы імкнёмся чаргаваць досыць складаныя і адносна лёгкія. І прапаноўваючы фотаздымак на 19 тур, саманадзейна аднеслі яго да лёгкіх, здавалася, што пра прыродны помнік  рэспубліканскага значэння – геалагічны разрэз Камарышкі, размешчаны паблізу вёскі Страча на правым беразе аднайменнай ракі, – ведаюць калі не ўсе, то многія. Прынамсі, тыя, каму даводзілася адпачываць на першым абуладкаваным месцы прыпынку на тэрыторыі Астравеччыны, калі ехаць па шашы Полацк-Вільнюс, на ўскрайку якога ён і знаходзіцца. Да таго ж статус помніка рэспубліканскага значэння разрэз Камарышкі атрымаў яшчэ ў 1963 годзе, і ў інтэрнэце пра яго ёсць звесткі. Читать далее

08:41 / 22.05.2020
323

«Цяжкая артылерыя», якой, як меркавалася, павінен быў стаць 17 тур конкурсу, аказалася не такой ужо і цяжкай: практычна ўсе пастаянныя ўдзельнікі справіліся з заданнем, пазнаўшы на здымку рэшткі нямецкай цеплавой электрастанцыі часоў Першай сусветнай вайны. Читать далее

09:31 / 15.05.2020
287

Прапаноўваючы заданне на 16 этап конкурсу, мы лічылі, што справіцца  з ім будзе няцяжка: фрагмент помніка воінам-вызваліцелям у лесапарку хоць і зняты з нязвыклага ракурсу, але  ўсё ж пазнавальны. Читать далее

08:43 / 08.05.2020
253

«Дзякуй за натхненне для вывучэння роднага краю, – такімі словамі закончыла адказ на заданне чарговага тура конкурсу Кацярына Вараб’ёва. – Мы жывём тут пяць гадоў і думалі, што ўсё ўжо бачылі, але аказалася, што яшчэ вельмі шмат новага можна для сябе адкрыць». Такая ацэнка радуе, бо менавіта для таго, каб карэнныя і новыя астраўчане маглі спазнаць і вывучыць знаё­мы і невядомы родны край, і задумвалася «вандроўка па Астравеччыне даўжынёй у год», як трапна назваў конкурс яго пастаянны ўдзельнік Алег Драган. Читать далее