Первые островецкие "тысячники" получили заслуженные награды
08:05 / 18.08.2016
Заслужаную ўзнагароду аператару зернесушылкі СВК “Гервяты” Валерыю Анатольевічу Андрэйчыку ўручае старшыня райкама прафсаюза работнікаў АПК Юрый Аляксандравіч АдулаСёлетняе жніво папсавала нервы хлебаробам. Тым не менш людзі працуюць на ўборцы з усёй стараннасцю і адказнасцю.
Райкам прафсаюза работнікаў АПК узнагароджванне першых “тысячнікаў” звычайна пачынае з камбайнераў і іх памочнікаў. Сёлетняе жніво ўнесла ў гэтую традыцыю карэктывы: па стане на 10 жніўня камбайнераў, якія б намалацілі тысячу і больш тон збожжавых, у раёне не было. Экіпажам асобных гаспадарак не хапіла лічаных тон. Затое вадзіцелі і аператары зернесушылак ужо пераадолелі адпаведна тысячны і двухтысячны рубеж.
Аператары зернесушылкі СВК “Міхалішкі” Анатоль Міхайлавіч Мешкель і Павел Яўгенавіч Пешка разам з напарнікамі першымі ў раёне дасушылі 2 тысячы тон зерняДа старшыні райкама прафсаюза работнікаў АПК Юрыя Аляксандравіча Адулы і бухгалтара Святланы Віктараўны Кацяш, якія напрыканцы мінулага тыдня развозілі ганаровыя граматы і грашовыя прэміі перадавікам уборкі, далучаліся старшыні калгасных прафсаюзных пярвічак.
Штогадовы пераможца спаборніцтваў сярод вадзіцеляў на жніве Уладзімір Карлавіч Грынцэвічі сёлета ўзначальвае раённы табель рангаў
Варнянскія аператары зернесушылкіАндрэй Рышардавіч Кірпа і Аляксей Валер’евіч Рукойць
Ва ўсіх гаспадарках раёна распрацавана сістэма ўзнагароджвання лідараў жніва: большасць вытворчых кааператываў адзначае сваіх удзельнікаў жніва за дасягненне менавіта тысячнага рубяжа.
– Работа па інфармаванні работнікаў аб ходзе жніва доб-ра і цікава наладжана ў СВК “Міхалішкі”, – расказвае Юрый Аляксандравіч. – Штодзень на спецыяльным экране ўдзельнікі ўборачнай кампаніі бачаць не толькі намалот за дзень і з пачатку жніва, ураджайнасць збожжа, але і заробак кожнага камбайнера і вадзіцеля.
Вадзіцель-“тысячнік” Андрэй Францавіч Сідаровічз СВК “Гудагай”
Іван Іосіфавіч Анімуцкі і Славамір АнтонавічМізула з СВК “Гудагай” удвух перасушылі
больш за 3 тысячы тон зерня і рапсу
На жаль, па ўмовах раённага і абласнога спаборніцтваў на рахунак камбайнераў, вадзіцеляў і аператараў зернесушылак не запісваецца рапс – інакш “тысячнікаў” было б значна больш.
Першыя раённыя “тысячнікі”
Вадзіцелі:
Уладзімір Карлавіч Грынцэвіч, СВК “Варняны”;
Станіслаў Леанардавіч Бернюкевіч, СВК “Міха-лішкі”;
Андрэй Францавіч Сідаровіч, СВК “Гудагай”;
Эдуард Казіміравіч Бабойць, СВК “Гервяты”.
Аператары зернесушылак:
Сяргей Мікалаевіч Рукойць, Віктар Антонавіч Мілашэвіч, Павел Яўгенавіч Пешка, Анатоль Міхайлавіч Мешкель, СВК “Міхалішкі”;
Славамір Антонавіч Мізула і Іван Іванавіч Анімуцкі, СВК “Гудагай”;
Андрэй Рышардавіч Кірпа, Фёдар Вацлававіч Кірпа, Аляксей Валер’евіч Рукойць, Уладзімір Тадэвушавіч Гражуль, СВК “Варняны”;
Франц Францавіч Тотчык, Сяргей Іванавіч Русалоўскі, Валерый Анатольевіч Андрэйчык з СВК “Гервяты”.
Алена ГАНУЛІЧ, фота аўтара.
