Як выхоўваюць патрыётаў у дашкольным цэнтры развіцця дзіцяці №1
Адным з галоўных накірункаў выхаваўчай работы ў дашкольным цэнтры развіцця дзіцяці №1 з'яўляецца грамадзянска-патрыятычнае выхаванне.
У садку працуе раённы рэсурсны цэнтр «Сучасныя падыходы да ўзаемадзеяння ўстановы дашкольнай адукацыі і сям’і ў выхаванні дзяцей дашкольнага ўзросту», у рамках якога прайшоў патрыятычы тыдзень.
На працягу ўсяго тыдня мы праводзілі мерапрыемствы для выхаванцаў, бацькоў і педагогаў. Так, у другой малодшай групе прайшла інтэлектуальная гульня «Што? Дзе? Калі?» для бацькоў і педагогаў па тэме «Мая Радзіма – Беларусь».
Запрасілі бацькоў і на свята «Гаспадыня-Беларусачка». Мамы, таты і дзеці прэзентавалі беларускія нацыянальныя стравы: дранікі, тушаную бульбу, квашаную капусту і сала.
У чацвер бацькоў чакаў сюрпрыз: ім давялося паўдзельнічаць у апытанні “Што мы ведаем пра Беларусь”. Сімволіка нашай рэспублікі, веды па геаграфіі, беларускай прамысловасці, літаратуры і гістарычных мясцінах – дарослыя даведаліся многа новага.
Удзел у патрыятычным тыдні прынялі і выхавацелі дашкольных устаноў раёна. Для іх прайшоў семінар-практыкум «Роля ўстановы дашкольнай адукацыі і сям'і ў грамадзянска-патрыятычным выхаванні асобы».
Завяршыўся тыдзень інтэрактыўнай гульнёй «Тэст-драйв па-беларуску».
Алена ВАСІЛЬЧЫК, загадчык ДЦРР №1.