Авторские коллекции детской одежды представил Островецкий центр творчества на областном фестивале “Жывіца-2021”
15:36 / 15.06.2021
Каб трапіць на модны паказ, удзельнікі папярэдне адсылалі арганізатарам відэасюжэты дэфіле ў аўтарскіх калекцыях – так праходзіў адбор фіналістаў.
У выніку на вочным этапе ў Гродне астраўчане прадставілі 3 калекцыі: «ЭКАkids» (педагог Вераніка Кумішча) у намінацыі «Яскравыя будні», а ў намінацыі «Этнастыль» – «Васільковая мара» (педагог Алена Чарняўская) і «Кветкавая сімфонія» (педагог Валянціна Віннічак).
За ўвасабленне апошняй ідэі яе аўтары ўзнагароджаны дыпломам за складанасць выканання і арыгінальнасць.
Стварыла мадэлі творчая група гуртка «Скарбніца»: Аліна Савёнак, Аліна Рогач, Маргарыта Быстрых, Кацярына Міляева, Кацярына Сербская і іх кіраўнік Валянціна Віннічак.
– Мы прадставілі сваё бачанне стылізацыі пад сучаснасць беларускіх народных традыцый, – расказвае педагог. – «Кветкавая сімфонія», зробленая з тканіны і пражы, – гэта касцюмы са штанамі. Асноўная тэхніка вырабу мадэляў – вязанне. Работа над калекцыяй была вельмі карпатлівай і аб’ёмнай, да таго ж дзяўчатам трэба было і прадэманстраваць яе.
Але самае складанае, па словах Валянціны Віннічак, не ўвасобіць, а прыдумаць ідэю.
– Конкурс гэты вельмі складаны – мы ўпершыню ўдзельнічалі ў ім. І вельмі прыемна, што ацанілі нашу працу – кожная перамога стымулюе да руху наперад, – усміхаецца педагог. – Цяпер напрацоўваем намёткі па новай калекцыі.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.