Посетить выставку бабочек можно в районном музее до 15 июня
Унікальная калекцыя налічвае каля 100 экзэмпляраў насякомых з розных куткоў свету: трапічных лясоў паўднёва-ўсходняй Азіі, Амерыкі і Аўстраліі.
Перш, чым трапіць у Астравец, матылькі павандравалі па Беларусі: нядаўна падобная выстава прайшла у Ашмянскім краязнаўчым музеі імя Францішка Багушэвіча.
Розныя па памерах і афарбоўцы, начныя і дзённыя, ядавітыя... А якія экзатычныя назвы ў гэтых прыгажуноў: дзіона, геліканіда, афрадыта… Па словах супрацоўнікаў музея, самы ўнікальны экзэмпляр – паўлінавочка атлас. Гэты від занесены ў Кнігу рэкордаў Гінеса, як самы буйны матылёк на Зямлі. «Спартыўныя» крылы самцоў робяць іх цудоўнымі летунамі. Паўлінавочка атлас шырока распаўсюджана ў Індакітаі і некалькіх астравах на захадзе Зондскага архіпелага. Прадстаўлены на выставе матылёк быў злоўлены на востраве Ява.
А вось сапраўднай мадэллю, прынамсі, у астравецкім музеі, лічыцца матылёк морфа алена – пры любым асвятленні і з любога ракурсу гэты блакітна-сінякрылы прыгажун на фота атрымліваецца на «выдатна». Насякомае названа ў гонар самай прыгожай жанчыны антычнага свету – Алены, якую скраў у мужа, цара Спарты, сын цара Троі Парыс. Гэта стала пачаткам Траянскай вайны, падчас якой цалкам быў разбураны аднайменны горад.
– Гэтая выстава з прыватнай калекцыі Рамазана Махмудава – яго кантактамі падзяліўся сябра, які працуе ў Слуцкім музеі, – расказаў дырэктар раённага гісторыка-краязнаўчага музея Арцём Хамкоў. – За некалькі дзён выставу наведала больш за 70 чалавек. Для арганізаваных груп мы праводзім экскурсію. Лічу, што экспазіцыя матылькоў разлічана на людзей любога ўзросту. Варта вывучаць не толькі гісторыю, але і адкрываць для сябе цікавыя аспекты з іншых галін жыцця.
А вы ведалі?
* Матылькоў не знайшлі толькі ў Антарктыдзе.
* Налічваецца каля 165 тысяч відаў матылькоў. Варта адзначыць, што большасць з іх вядуць начны лад жыцця. Штогод энтамолагі адкрываюць новыя віды.
* Самы вынослівы матылёк у свеце – манарх. Ён можа пераадолець тысячу кіламетраў без прыпынкаў.
* Матылькі могуць бачыць чырвоны, зялёны і жоўты колеры.
Падзівіцца на дзівосных матылькоў можна з 10.00 да 19.00 з серады да пятніцы, у выхадныя – з 09.00 да 18.00 у раённым гісторыка-краязнаўчым музеі, які размешчаны ў будынку шматфункцыянальга комплексу сацыяльна-культурнага прызначэння.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.