Галіна Міхалоўская: колькі працую на ферме, столькі выпісваю «раёнку»
09:39 / 07.04.2021
– Я мясцовая – вырасла ў Паракіцях. Раённую газету пачала выпісваць пасля замужжа, калі пераехала ў Ліпнішкі – тут, лічы, усё жыццё і прайшло.
Па душы заметкі пра вяскоўцаў, іх клопаты, лёсы старажылаў і вёсак. З задальненнем чытаю рэпартажы пра сельскую гаспадарку. Пра нашу ферму і яе перадавікоў таксама неаднойчы пісалі: нават я двойчы трапіла на старонкі газеты – тыя публікацыі захоўваю.
Як і большасць жанчын, захапляюся кветкамі. Падабаўся праект «Парады кветкавода». Люблю пачытаць рэцэпты. Карыснымі лічу і артыкулы, дзе друкуюцца парады ўрачоў.
«Раёнку» чытаю цалкам, не абмінаю ніводнага артыкула. Яшчэ выпісваю «Савецкую Беларусь», але «Астравецкая праўда» для мяне цікавейшая. Можа, таму што свая, родная?
Лічу, што ў газеце ўсяго хапае – журналісты пішуць пра Астравец і новыя гарадскія аб’екты, не абмінаюць увагай і сельскую мясцовасць. Шкада толькі, што вёскі выміраюць. Магчыма, пра іх, пакуль яшчэ жывыя старыя людзі, трэба пісаць больш.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.