Як адпрацоўвалі Гудагайскі сельсавет
Выявіць правапарушэнні на ранняй стадыі і папярэдзіць злачынствы – вось асноўныя задачы комплексных прафілактычных адпрацовак, якія праваахоўнікі разам з прадстаўнікамі зацікаўленых служб раёна рэгулярна праводзяць на тэрыторыях сельсаветаў і горада. У рэйд па Гудагайскім сельсавеце выправіўся і карэспандэнт «АП».
Адрасатамі наведвання ўдзельнікаў адпрацоўкі традыцыйна сталі сацыяльна небяспечныя і шматдзетныя сем’і, адзінокія і адзінока пражываючыя пажылыя грамадзяне, інваліды, людзі, якія злоўжываюць спіртнымі напоямі і іншыя праблемныя катэгорыі насельніцтва.
Разам з супрацоўнікамі міліцыі мы накіраваліся да раней асуджаных грамадзян – іх у Гудагайскім сельсавеце пражывае больш за 40 чалавек, большасць – за крадзяжы і прычыненне цяжкіх цялесных пашкоджанняў. Знаходжанне ў месцах пазбаўлення волі паўплывала на іх па-рознаму. Напрыклад, мужчына, які некалькі гадоў таму «пырнуў» нажом знаёмага, пасля вяртання турбот міліцыі пакуль не дастаўляе – уладкаваўся на работу, жыве ціха і мірна, алкаголем не злоўжывае.
Канешне, далёка не ва ўсіх атрымліваецца стаць на шлях выпраўлення. Адны спрабуюць, але пасля зрываюцца, другія жывуць, як давядзецца, а трэція нават і не думаюць мяняць лад жыцця.
Часам убачанага на панадворку хапала, каб зразумець, як жыве гаспадар – заходзіць у хату не хацелася.
Не ўсіх раней асуджаных атрымалася знайсці дома – многія былі на працы, дзе мы іх і заспелі, былі тыя, каго не давялося ўбачыць. Аднак большую частку «падапечных» праверылі – і правапарушэнняў выяўлена не было.
– Як правіла, такія катэгорыі грамадзян знаходзяцца пад пільным наглядам міліцыі, – адзначыў супрацоўнік крымінальнага вышуку Раман Врублеўскі. – З імі рэгулярна праводзяцца прафілактычныя мерапрыемствы. Аднак кожны павінен перш за ўсё вызначыць сам, як ён будзе жыць далей.
Хочацца спадзявацца, што гэты выбар будзе зроблены правільна.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.