Ветеран войны Григорий Михайлов живёт в памяти родных
Яшчэ адзін ветэран у анлайн-страі челенджа #Беларусьпомніць.
Дзед астраўчанкі Аляксандры Працуты Рыгор Пятровіч Міхайлаў адправіўся на фронт з арміі, куды быў прызваны на тэрміновую службу.
Ветэран нарадзіўся ў 1919 годзе ў вёсцы Кітова Апочацкага раёна Пскоўскай вобласці.
– Акрамя яго ў сям’і было пяцёра дзяцей. Дзед, скончыўшы 6 класаў, пайшоў працаваць падатковым агентам у сельсавет. Там ён пазнаёміўся з будучай жонкай, – расказвае Аляксандра Працута.
А ў верасні 1939 года 20-гадовага юнака прызвалі на тэрміновую службу. Ён трапіў у Сібір, у стралковы полк. Там, акрамя службы, займаўся камсамольскай работай.
З арміі хлопец разам з саслужыўцамі адправіўся на вайну.
– Дзядуля прыгадваў, што вестка пра пачатак вайны яго нібы маланкай працяла. Полк спешна накіраваўся ў Беларусь. Тут салдаты прынялі баявое хрышчэнне, – расказвае ўнучка ветэрана. – Але змагаўся з акупантамі наш Рыгор Пятровіч нядоўга – падчас бамбёжкі яго кантузіла і засыпала зямлёй. Калі яго знайшлі гітлераўцы, ён не чуў і не мог гаварыць.
У цэнтральным архіве расійскага Падольска ёсць датаваны 15 мая 1945 года дакумент, які сведчыць, што ў 1941-м камсамолец малодшы сяржант Міхайлаў у Смаленску трапіў у палон. У няволі прабыў 3 гады 8 месяцаў.
– Быў у некалькіх лагерах ваеннапалонных – спачатку ў Беларусі, а потым – за мяжой. Назвы і месцы, дзе яго ўтрымлівалі, мы не ведаем. З чэхаславацкага лагера дзядулю разам з іншымі вызвалілі партызаны ў маі 45-га – былыя вязні папоўнілі іх рады. – тлумачыць Аляксандра. – У тым жа месяцы Рыгор прызваны ў 196-ы запасны стралковы полк. У чэрвені служыў у чэхаславацкіх летніх лагерах леса Врабска. Потым – памочнікам наводчыка, наводчыкам у 50-м гвардзейскім стралковым палку. Атрымаў званне сяржанта. 7 ліпеня 1946 года звольнены ў запас.
Калі родзічы даведаліся, што іх Рыгор жывы, пачалася перапіска. У адным з такіх лістоў яго маленькая стрыечная пляменніца напісала: «Дзядзя Грыша, прыязджай хутчэй і прывязі мне сшыткі і алоўкі». З таго дня прайшло шмат часу, той маленькай дзяўчынцы ўжо за 80, а яна і цяпер часта ўзгадвае, як дзядзька прывёз ёй жаданы падарунак.
Данііл і Дзмітрый Працуты з партрэтамі прадзедаў
– З вайны вярнуўся і дзядулеў брат – Ягор, двое загінулі – старэйшы Мікалай і малодшы Аляксандр, – гаворыць унучка ветэрана.
Родныя захоўваюць дзённік Рыгора Пятровіча, які расказвае пра яго ваеннае жыццё, у тым ліку і праз вершы, напісаныя да родных і каханай дзяўчыны. Там пералічаны населеныя пункты, праз якія праходзіў Міхайлаў: «Канск, Красноярск, Иркутск, <…> Тамбов, Курск, Орёл,<…> Брянск, <…> Минск, д. Мачуличи, Красное, Младещино, Вильно, Гродно,<…> Варшава…».
Вярнуўшыся ў родныя мясціны, Міхайлаў ажаніўся з каханай Марусяй, якая чакала яго з вайны. У іх нарадзілася чацвёра дзяцей.
– Спярша працаваў у сельсавеце, потым – старшынёй калгаса, пасля аб’яднання калгасаў – брыгадзірам, загадчыкам склада. Дзядуля быў добрым сем’янінам і гаспадаром, адказным работнікам – у яго шмат працоўных узнагарод, неаднойчы атрымліваў знакі «Ударнік пяцігодкі», «Пераможца сацыялістычнага спаборніцтва», – расказвае Аляксандра Працута. – З баявых – медаль «За перамогу над Германіяй у Вялікай Айчыннай вайне 1941-1945 гг.», ордэн Вялікай Айчыннай вайны ІІ ступені, знак «Выдатны кулямётчык».
Рыгор Пятровіч Міхайлаў пражыў 80 гадоў.
У суполцы Астравецкага РК ГА БРСМ створаныфотаальбом «Памяць нашчадкаў». Калі вы хочаце расказаць пра свайго родзіча-франтавіка, тэлефануйце па нумары 8(01591) 7-98-43 альбо пішыце на электронны адрас ostrovets.brsm@mail.ruі дзяліцеся ўспамінамі пра вашага героя. Няхай імёны абаронцаў Радзімы застануцца ў памяці нашчадкаў.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.