Лепшым у прафесіі прызнаны Міхаіл Дашын з «Міхалішак»

09:38 / 01.12.2020
408
На свяце да Дня работнікаў сельскай гаспадаркі і перапрацоўчай прамысловасці было адзначана 5 лепшых у прафесіі працаўнікоў, у іх ліку і 
трактарыст-машыніст Міхаіл Дашын. 

1.jpg

Няма тых работ, якія не выконваў бы гэты механізатар: араў, культываваў, сеяў. У апошнія гады мужчына вывозіць на палі арганіку –  і спраўляецца з гэтым на «выдатна»: некалькі гадоў запар ён быў  адным з пераможцаў спаборніцтва, якое штогод падчас вясенне-палявых работ праводзіць райкам прафсаюза работнікаў АПК. 

Напрыканцы мінулага тыдня Міхаіла Дашына мы заспелі ў полі: непадалёк ад вёскі Супраненты ішла загрузка цукровых буракоў. На трактары МТЗ-3022 механізатар  «страхаваў» МАЗы: калі машыны пачыналі буксаваць, Міхаіл прыходзіў на дапамогу. 

– У КСУП «Міхалішкі» працую 8-мы год, стажу работы ў сельскай гаспадарцы на­бяжыць пад 28 гадоў, – расказ­вае трактарыст-машыніст. – З Кяме­лішак сюды мяне пера­цягнуў былы старшыня Аляк­сандр Чап­лінскі. 

Шматдзетнай сям’і Дашыных  праўленне калгаса выдзеліла дом. 

– З жонкай Святланай, яна працуе на метэаралагічнай стан­­цыі ў Маркунах, выгадава­лі чац­­вёра дзяцей. Я ўжо дзяду­ля: маю ўнука Ваньку, – з усмешкай працягвае мужчына.

Цікаўлюся ў механізатара, якія работы яму па душы. 

– Мне ўсё падабаецца, – прызнаецца трактарыст-машыніст. – Няма розніцы: араць ці сеяць, галоўнае – каб тэхніка не падводзіла!  



Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал «Островецкая правда»  – всё самое интересное из жизни Островца и Островецкого района. 

 

 

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.



Текст: Алёна Ганулич
Фото: Алёна Ганулич
Оставить комментарий
Текст сообщения*
Защита от автоматических сообщений