Гонар раёна і лепшы корманарыхтоўшчык Астравеччыны – Сяргей Урлік з КСУП «Гудагай»
14:07 / 22.11.2020
Яскравы прыклад – трактарыст-машыніст Сяргей Урлік, чый партрэт сёлета занесены на раённую Дошку гонару. Больш таго, ён перамог у раённым спаборніцтве сярод корманарыхтоўшчыкаў другі год запар.
Як і большасць механізатараў, Сяргей прывык да справы, а не да расповедаў.
– Я родам з Палушаў. У сельскую гаспадарку трапіў выпадкова. У 2007-м працаваў памочнікам камбайнера Аляксандра Мілэйшы – тая ўборка стала лёсавызначальнай. Пасля заканчэння школы адслужыў у пагранічных войсках і прыйшоў працаваць у СВК «Гудагай», – расказаў пра сябе малады чалавек.
На пару з «Джон-Дзірам» камбайнер за сезон нарыхтаваў больш за 30 тысяч тон «зялёнкі» на ўмоўны камбайн у пераразліку на зялёную масу.
– З лета да восені на «Джон-Дзіры». Вясной на «лейцы» пад сяўбу ўношу мінеральныя ўгнаенні. Цяпер заняты на нарыхтоўцы падкормкі, – гаворыць Сяргей. – Падабаецца працаваць і на збожжаўборачным камбайне. Некалькі гадоў назад па выніках жніва з Віталем Мілэйшам, я быў у яго памочнікам, занялі 3-е месца ў вобласці сярод маладзёжных экіпажаў.
Сяргей Урлік – з кагорты тых маладых людзей, які не чакае манны нябеснай, а пакрысе ўласнымі стараннямі і працай ажыццяўляе задуманае.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
