Фотанарыс пра шматдзетную маму Аліцыю Калпак
13:07 / 14.10.2020
У прыгожым доме ў Варнянах – вёсцы будучыні – шматдзетная маці Аліцыя Калпак з мужам Дзмітрыем гадуе трох дзетак: шасцігадовую Мілену, чатырохгадовага Мацвея і месячнага Макара. Любові маладой жанчыны хапае не толькі на ўласных дзяцей, але і на іншых – да дэкрэтнага адпачынку Аліцыя выкладала матэматыку ў мясцовай школе.
Заплесці дачушцы коскі, прытуліць аднаго сыночка, пагушкаць другога – жанчына прызнаецца, што больш нічога для шчасця не трэба. Да таго ж заўсёды побач ёсць надзейная падтрымка і апора – муж. Яны ідуць па жыцці, глядзяць у адным накірунку і дыхаюць ва ўнісон ужо 11 гадоў…
Букецік немудрагелістых кветак, падораных ранкам сынам, зробіць увесь дзень сонечным, нягледзячы на цёмныя хмары за акном, сарваны з дрэва дачушкінай рукой яблык – жыццё саладзейшым… Абдымкі дзяцей, любімы муж побач, і такія простыя, але важныя словы «Мамачка, я цябе люблю!» – робяць Аліцыю самай шчаслівай жанчынай у свеце.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
