У Варнянах прайшло свята «Сям’я талентамі багата»

14:01 / 27.08.2020
551

Святочная праграма «Сям’я талентамі багата» ў нядзелю сабрала шмат варнянцаў у гістарычным цэнтры аграгарадка – на пляцоўцы ў старадаўнім парку.

Сімвалічная песня пра Варняны ў выкананні вучаніцы дзіцячай школы мастацтваў, стыпендыяткі спецыяльнага фонду Прэзідэнта па падтрымцы таленавітай моладзі Надзеі Аўгуль, пра якую расказвала наша газета ў адным з чэрвеньскім нумароў, стала першым акордам свята.

1.jpg

Музычную нітачку падхапіла і другая падрастаючыя зорачка сцэны Эвеліна Навашынская.

Старшыня Варнянскага сельвыканкама Аляксандр Вярбовіч адзначыў, што аснова дабрабыту дзяржавы і кожнага з нас – сям’я, а таксама падзякаваў Людміле Кухарэвіч за арганізацыю свята для аднавяскоўцаў. І сапраўды бадзёрасць, аптымізм і арганізатарскія здольнасці Людмілы Іванаўны не могуць не здзіўляць: акрамя канцэртнай праграмы, у аддзеле культуры і вольнага часу жанчына арганізавала аднайменную выставу работ творчых землякоў – крыху больш чым за тыдзень яе наведала каля ста чалавек.

2.jpg

Моцнымі галасамі, лірычнымі кампазіцыямі, адточанымі рухамі і байкамі на «злобу дня» варнянцаў у гэты дзень парадавалі Аляксандр Юргелянец, Юрый Інаровіч, Вікторыя Сямашка, Яўгенія Шаптун, Наталля Літвін, Вольга Урбановіч, Таццяна Радкевіч, вакальны ансамбль «Аксаміткі» (кіраўнік Васіль Карпец) і харэаграфічны калектыў «Чаромушкі» (кіраўнік Тамара Батура).

3.jpg

4.jpg

5.jpg

На сцэну падымаліся шматдзетныя маці Алена Лісоўская, Люцыя Адула і Тарэса Ляховіч. Па іх прызнанні, самае галоўнае ў выхаванні дзяцей – любоў, якой ніколі не бывае зашмат.

Пакуль дарослых радавалі артысты Астравеччыны, дзеці бавілі вольны час на надзіманых горках і батутах, ласаваліся пап-корнам і салодкай ватай.

6.jpg

7.jpg

…Свята ў варнянцаў атрымалася па-сямейнаму ўтульным і вясёлым.




Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.



Текст: Алёна Ганулич
Фото: Алёна Ганулич
Оставить комментарий
Текст сообщения*
Защита от автоматических сообщений