Выбары вачамі астраўчан: асноўны дзень галасавання
На ўчастку для галасавання №5 у Астраўцы з раніцы шматлюдна.
Доўгім ланцужком цягнуцца выбаршчыкі, каб выканаць грамадзянскі абавязак – аддаць голас за аднаго з кандыдатаў у Прэзідэнты Рэспублікі Беларусь. На ўваходзе іх сустракае прыемная музыка, побач размясціўся буфет Астравецкага філіяла Гродзенскага аблспажыўтаварыства, дзе можна прыкупіць смачную астравецкую выпечку і іншыя прысмакі.
Яніна Кірэева, старшыня выбарчай камісіі:
– Наш выбарчы ўчастак у Астраўцы самы вялікі. На датэрміновым галасаванні абстаноўка была спакойнай. Выбаршчыкі прыходзілі ўвесь час работы ўчастка. Упэўнена, што і сёння астраўчане, якія яшчэ не прагаласавалі, будуць актыўнымі і абавязкова прыйдуць на свой участак.
Наталля Дукель, выбаршчык:
– З-за работы ў асноўным заўсёды галасую датэрмінова, у гэты раз прыйшла ў асноўны дзень, з самай раніцы. Шмат часу на гэта не спатрэбілася – ведала, за каго аддам свой голас.
Вера Клепусевіч, выбаршчык:
– Прыходжу на выбары, калі атрымліваецца. Сёння забегла рана – па дарозе ў храм. Інфармацыю пра кандыдатаў даведалася з лістоўкі, якая ляжала ў паштовай скрыні. Прачытала ўважліва – і зрабіла свой выбар.
Тамара Петрусевіч, выбаршчык:
– На выбары прыходзіць трэба абавязкова, каб выказаць сваю пазіцыю. Сёлета прыйшла ў асноўны дзень. Галасую за нашу Беларусь – светлую, чыстую, справядлівую.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup
Телеграм-канал «Гродно Медиа Group» - это ежедневные новости районов Гродненской области и города Гродно.