Як астраўчане будуць адпачываць летам

09:34 / 26.05.2020

Надвор’е пакуль не радуе нас цяплом – многіх саграваюць думкі пра хуткі летні адпачынак. Як яго правядуць астраўчане, распытваў наш карэспандэнт.

Валянціна Казюль, вучаніца:

КАзюль.jpg

– Я заканчваю дзявяты клас, наперадзе – выпускныя экзамены. Вельмі хвалююся! З-за пандэміі каронавіруса ў нашай школе не будзе апошняга званка. На канікулах буду дома. У мінулыя гады адпачывала ў летніках «Ластаўка» і «Восьмы цуд свету». Мне вельмі спадабалася!

Вадзім Янкун, вучань:

Янкун.jpg

– Не верыцца, што лічаныя дні засталіся да канца вучэбнага года. Адзінаццаць гадоў праляцелі так хутка! Шкада, што ў нас не будзе выпускнога балю, а толькі ўрачыстая частка. Куды буду паступаць? Няхай гэта застанецца сакрэтам. Галоўнае – добра здаць цэнтралізаванае тэсціраванне, а там будзе бачна. Гэтае лета для мяне будзе гарачым ва ўсіх сэнсах.

Іван Скараходаў, спецыяліст (без фота):

– Да пандэміі кожнае лета на тыдзень-два з дзяўчынай ляталі куды-небудзь адпачываць. Сёлета планавалі наведаць Грузію – кажуць, што гэта самая гасцінная краіна ў свеце! – але адмовіліся ад гэтай ідэі. Здзейсніць гэта падарожжа мы паспеем і пазней, а вось здароўе, у выпадку чаго, ніхто не верне. Вырашылі на веласіпедах паедзіць па Беларусі, пакуль распрацоўваем маршрут. Праўда, у адпачынак ідзём толькі на два тыдні.

Міхаіл Прыбыльскі, мантажнік:

Прыбыльскі.jpg

– Летам буду працаваць, адпачынак у мяне толькі восенню. З-за няпростай эпідэміялагічнай сітуацыі стараюся абмяжоўваць кантакты і прытрымлівацца асноўных правіл гігіены. Родам я з Ашмяншчыны, таму хутчэй за ўсё ў верасні паеду да матулі на вёску, а там сумаваць не давядзецца – работа заўсёды знойдзецца.

А як вы плануеце правесці адпачынак? Дзяліцеся ў суполках газеты ў сацыяльных сетках «Астравецкай праўды».

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.