Змяненні ў каталіцкіх богаслужэннях
16:12 / 21.05.2020
Сітуацыю каменціруе дэкан Астравецкага дэканата, ксёндз-канонік Юзаф Багдзевіч.
– Біскуп Гродзенскі Аляксандр Кашкевіч у спецыяльным паведамленні да святароў дыяцэзіі нагадаў пра меры перасцярогі, звязаныя з каронавірусам.
Іерарх рэкамендаваў адкласці на больш позні тэрмін, калі ў краіне будзе спакойная эпідэміялагічная сітуацыя, урачыстасці першай камуніі, сакрамэнту канфірмацыі (біжмавання) і парафіяльных свят. Гэтае рашэнне прымае пробашч ці адміністратар парафіі.
У вернікаў ёсць магчымасць скарыстацца дыспенсай – спецыяльным дазволам, калі можна не наведваць касцёл. Гэта могуць рабіць пажылыя людзі, асобы з сімптомамі віруснай інфекцыі, асобы, якія адчуваюць страх заражэння каронавірусам. А пры наведванні храма варта строга захоўваць правілы асабістай гігіены.
Вірус, які зараз лютуе ў свеце, – наша агульная бяда. Людзі розных канфесій у адзін дзень, 14 мая, маліліся аб спыненні пандэміі. Вернікі і святары Гродзенскай дыяцэзіі далучыліся да абвешчанага Папам Францыскам дня малітвы і посту ў інтэнцыі спынення хваробы. Прашу, каб прыхаджане нашага раёна і надалей маліліся аб выздараўленні хворых людзей.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.