Пачаўся сёмы этап конкурсу «Пазнай Астравеччыну»
Шосты этап конкурсу «Пазнай Астравеччыну» стаў адным з найбольш насычаных на поўныя адказы, хоть быў не самым лёгкім па магчымасці знайсці інфармацыю.
Брацкае воінскае пахаванне Першай сусветнай вайны знаходзіцца на тэрыторыі Варнянскага сельсавета непадалёк вёскі Тартак. Тут у верасні 1915 года пахавана 250 нямецкіх і расійскіх воінаў, магілы якіх раскіданы па лесе на плошчы 0,5 га.
Узведзены помнік на ўласныя сродкі сям'і былога намесніка старшыні райвыканкама і старшыні раённага Савета ветэранаў Расціслава Арсенцьевіча Герта. Гэта своеасаблівая даніна памяці бацьку і дзеду – Арсенцію Сямёнавічу, удзельніку Першай сусветнай вайны, які за мужнасць і гераізм падчас Брусілаўскага прарыву быў ўзнагароджаны Георгіеўскім крыжом.
Правільныя адказы, што на здымку помнік ахвярам Першай сусветнай вайны каля вёскі Тартак, дало 3 чалавекі: Дзіяна Бараноўская, Рэгіна Замара і Сяргей Жукоўскі. Яны атрымалі па 1 балу.
Больш падрабязна пра пахаванне расказала 5 удзельнікаў: Святлана Марозава, Ванда Вайшнаровіч, Алеся Абухоўская, Марына Чарняўская і Кацярына Вараб’ёва. У іх – па 2 балы.
Гісторыі з фотаздымкамі даслала ў рэдакцыю 4 чалавекі: Алег Драган, Ганна Мілашэвіч, Жанна Волк-Леановіч і Алена Памецька.
Усяго ў шостым этапе конкурсу ўдзельнічала 12 чалавек. З улікам раней набраных балаў, лідзіруюць Алена Памецька і Марына Чарняўская – у іх па 17 балаў, Алег Драган – 14 балаў і Ганна Мілашэвіч – 11 балаў.
Дзе гэта, што гэта?
Нагадваем: далучыцца да конкурсу можна з любога этапу. Калі вы ведаеце, дзе гэта і што гэта, – дасылайце свае адказы, расповеды і фотаздымкі.
Адказы на пытанні конкурсу можна дасылаць у рэдакцыю па электроннай пошце ці паведамляць па тэлефоне 2-03-64 на працягу пяці дзён (з улікам выхадных і святочных) пасля выхаду газеты з конкурсным заданнем (да аўторка ўключна).
Мадэратар праекта Ніна Рыбік