Пераможцы атрымалі ўзнагароды

Сёння адбылося ўзнагароджанне пераможцаў раённага этапу конкурсу «Выратавальнікі вачыма дзяцей».

Гэты конкурс дзіцячай творчасці праходзіць штогод і заўсёды збірае шмат работ. І астравецкія школьнікі часта трапляюць у лік абласных і рэспубліканскіх пераможцаў.

А пакуль лепшыя мастакі, майстры і, можна сказаць, акулы пяра атрымалі першыя ўзнагароды.

Урачыстая цырымонія адбылася ў Цэнтры творчасці дзяцей і моладзі. Аўтары лепшых работ атрымалі падарункі ад райкама БРСМ, раённай араганізацыі «Белая Русь», аддзела па надзвычайных сітуацыях і газеты «Астравецкая праўда».

Пасля гэтага пераможцаў запрасілі на экскурсію ў пажарную аварыйна-выратавальную часць №3.