У астравецкай школе №1 ўзнагародзілі лепшых настаўнікаў, вучняў і бацькоў
12:53 / 04.02.2020
Звычайна падобныя ўшанаванні адбываюцца на святах апошняга званка. Сёлета ў школе вырашылі змяніць традыцыю – і запрасілі тых, хто прынёс установе добрую славу, на вечар «Школа запальвае зоркі».
На свята запрасілі настаўнікаў, выдатнікаў вучобы, пераможцаў алімпіяд, навукова-практычных канферэнцый, творчых конкурсаў, спартсменаў і актывістаў, а таксама бацькоў вучняў, якія дапамагаюць запальваць юныя зорачкі.
Гасцей віталі песнямі і танцамі, уручалі ім Дыпломы і Падзячныя пісьмы, жадалі поспехаў і нагадвалі, што школа заўсёды рада падтрымаць цікавыя пачынанні і ідэі. Граматамі і падарункамі адзначыў на свяце сваіх актывістаў і Астравецкі райкам БРСМ. Свята атрымалася ўрачыстым і па-сямейнаму цёплым.
За выхаванне сына Глеба грамату атрымлівае Алена Алітойць
Тым, хто ўжо дасягнуў пэўных вяршынь, яно дало дадатковы стымул, а хто яшчэ «раскачваецца», атрымалі штуршок і ўзор для пераймання. Дырэктар школы Ірына Шульга выказала спадзяванне, што яе мара аб школьнай дошцы гонару, якая будзе займаць усю сцяну і на ёй не хопіць месца, стане рэальнасцю.
Няхай гэты зорны паўфінал будзе добрым стартам для ажыццяўлення мараў і планаў дарослых і запаліць яшчэ не адну юную зорачку – у вучобе, спорце ці творчасці.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
