У Астравецкім лясгасе запрацавала новая лінія сарціроўкі драўніны

08:07 / 10.01.2020
483

Літаральна пад Новы год Астравецкі лясгас зрабіў сабе падарунак: на дрэваапрацоўчым цэху была ўведзена ў эксплуатацыю новая лінія сарціроўкі драўніны.

IMG_6164.jpg

У чым яе перавагі і што гэтая пакупка прынясе лесагаспадарчаму прадпрыемству, мы даведаліся з першых вуснаў.  

Спецыялісты ў адзін голас сцвярджаюць, што сарціроўка круглага лесу – вельмі важны этап у вытворчасці лесаматэрыялаў.

IMG_6180.jpg

– У асноўным лес сарціруецца сартыментавозамі, пагрузачна-транспартнымі машынамі на прамежкавых складах. На гэта траціцца шмат часу, ды і, прызнацца, немагчыма дасягнуць такой дакладнай сарціроўкі, як ў тых лесагаспадарках, дзе ёсць спецыяльныя аўтаматызаваныя лініі, – расказаў начальнік дрэваапрацоўчага цэха Дзмітрый Волк-Леановіч. – Таму мы набылі спецыяльнае абсталяванне для сарціроўкі круглага лесу. Па-першае, значна павысіцца эфектыўнасць работы цэха, па-другое – павялічыцца выхад гатовых піламатэрыялаў, па-трэцяе – зменшыцца колькасць браку.

Лінію сарціроўкі драўніны астравецкія лесаводы набылі ў ЗАТ “Екацерынбургскія лясныя машыны”. Мантаж абсталявання праводзілі расійскія спецыялісты пры актыўным удзеле работнікаў Астравецкага лясгаса. Работы былі выкананы якасна і ў максімальна кароткія тэрміны.

Лінію абслугоўвае адзін аператар – Аляксей Багаеў. Прадстаўнікі фірмы-вытворцы навучылі яго кіраваць “разумнай” машынай.

IMG_6185.jpg

– Па адукацыі я сталяр-станочнік. Уся мая працоўная дзейнасць звязана з вытворчасцю лесаматэрыялаў. У Астравецкім лясгасе працую апошнія тры гады, – расказвае аператар лініі сарціроўкі драўніны. – Працэс аўтаматызаваны, але можна працаваць і ў ручным рэжыме. Калі, напрыклад, здарыцца нейкая памылка, то камп’ютар адразу яе пакажа.

IMG_6188.jpg

Лесавоз загружае бярвенні на накапляльную эстакаду, а затым з дапамогай спецыяльнага механізма яны трапляюць на сканар. Даныя апрацоўваюцца камп’ютарам, і далей па транспарцёры лесаматэрыялы накіроўваюцца да накапляльных кішэняў, куды яны, у залежнасці ад даўжыні і памераў, трапляюць пасля аўтаматычнага скідвання. Адтуль бярвенні маніпулятарам дастае трактар і складвае ў штабелі.

…Калі раней на дрэваапрацоўчым цэху Астравецкага лясгаса за змену сарціравалі максімум 150 кубоў круглага лесу, то з дапамогай расійскай сарціравальнай лініі могуць і 500 кубоў адужаць.



Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup

Телеграм-канал «Гродно Медиа Group» - это ежедневные новости районов Гродненской области и города Гродно.

Текст: Алёна Ганулич
Фото: Алена Ганулич
Оставить комментарий
Текст сообщения*
Защита от автоматических сообщений