Спявалі, гралі, танцавалі – і дыпломы атрымалі
15:44 / 02.12.2019
Вучні Астравецкай дзіцячай школы мастацтваў, а таксама яе Гервяцкага і Варнянскага філіялаў дэманстравалі свае здольнасці на міжнародным фестывалі мастацтваў #BYFEST – і вярнуліся дадому з узнагародамі.
Прафесійна і артыстычна выступілі звонкагалосыя дзяўчаты вакальнага ансамбля «Ветразь» пад кіраўніцтвам Аксаны Баршэвіч – яны адзначаны Дыпломам лаўрэата ІІІ ступені.
Не засталася без увагі журы і вучаніца Ірыны Бордак Валерыя Дарашкевіч, якая выступала ў эстрадным стылі і атрымала Дыплом ІІІ ступені.
Юная піяністка Яўгенія Краўчанка, якая займаецца ў Марыны Радкевіч, таксама ўзнагароджана Дыпломам ІІІ ступені. А харэаграфічны дуэт з Варнянскага філіяла дзіцячай школы мастацтваў (настаўніца – Таццяна Клышко) адзначаны дыпломам сімпатыі журы.