Чым запомніліся баксёры Астравеччыны ў Ветцы
Чатыры з сямі медалёў заваявалі ў складзе зборнай Гродзенскай вобласці выхаванцы Астравецкай дзіцяча-юнацкай спецыялізаванай школы алімпійскага рэзерву на адкрытым турніры па боксе ў Ветцы.
У спаборніцтве ўдзельнічалі спартсмены не толькі з Беларусі, але і з краін бліжняга замежжа. Але гэта не перашкодзіла выхаванцам Аляксея Маргужа годна зарэкамендаваць сябе на рынгу.
Найбольш удала правялі баі Аляксандр Баруўка і Арсень Мілешка, якія сталі пераможцамі ў сваіх вагавых катэгорыях. Крыху не хапіла да першага месца Кірылу Рагавенку: хлопец выйграў два паядынкі, але крыху недапрацаваў у трэцім – і стаў сярэбраным прызёрам.
Максім Лянкевіч дапоўніў узнагароды астраўчан бронзавым медалём.
Добрыя баі правялі Аляксандр Ёдзік, Сямён Сямашка і Цімур Сянкевіч, аднак скарыць ганаровы п’едэстал яны не змаглі.