Хто стаў пераможцам конкурсу інсталяцый ваенных лагераў вызначылі ў Дзень Незалежнасці

17:49 / 03.07.2019
1708


Шчымлівай радасцю і неймаверным болем былі напоўнены інсцэніроўкі да інсталяцый ваенных лагераў, якія арганізацыі і прадпрыемствы падрыхтавалі да Дня Незалежнасці.

Сярод іх былі і такія, якія сталі прыемным падарункам для астраўчан і гасцей горада. Непадалёк ад Беларусбанка аформлена кампазіцыя з кветак і камянёў “Беларусь помніць” – яе стварылі да Дня Незалежнасці супрацоўнікі жыллёва-камунальнай гаспадаркі.

1.jpg

Пра пачатак вайны ў інсталяцыі “Выпускны баль 41-га” расказалі вучні і педагогі сярэдняй школы №1. Маладых юнакоў і дзяўчат Радзіма паклікала на фронт – ім так хацелася жыць, але свабода краіны была даражэй.

2.jpg

На “Школьны вальс” запрасілі астраўчан і медыкі – вайна не шкадавала нікога, і менавіта ўрачы і медыцынскія сёстры ратавалі жыцці нашых салдат, даючы ім надзею на будучыню.

3.jpg

Рэспубліка Беларусь падчас вайны лічылася партызанскім краем. Лагеры, якія расказвалі пра барацьбу з ворагам, падрыхтавалі працаўнікі саўгаса “Падольскі” і супрацоўнікі Спондаўскага НПК – гэта ўстанова вядомая ў раёне школьным музеем імя Маркава.

4.jpg

5.jpg

Песню “Огонек” выканалі прадстаўнікі КСУП “Міхалішкі”, а работнікам раённай бібліятэкі праінсцэніраваць песню “Цёмная ноч” дапамагло маленькае дзіцятка, якое стойка вытрымала такі незвычайны іспыт.

6.jpg

8.jpg

Адсалютавалі Перамозе настаўнікі Варнянскага НПК, а электрамантажнае ўпраўленне №13 ААТ “Белэлектрамантаж” прадставіла выставу ў памяць аб ветэранах – родзічах сваіх супрацоўнікаў.

9.jpg

12.jpg

Пераможцамі конкурсу былі прызнаны Астравецкае РУП ЖКГ, цэнтральная раённая бальніца, Спондаўскі НПК, раённая бібліятэка і электрамантажнае ўпраўленне №13 ААТ “Белэлектрамантаж” – іх дыпломамі пераможцаў і каштоўнымі падарункамі ўзнагародзіла старшыня раённага Савета дэпутатаў Ірына Тальчук. Дыпломы ўдзельнікаў атрымалі ўсе канкурсанты.

34.jpg



Текст: Елена Ярошевич
Фото: Елена Ярошевич
Оставить комментарий
Текст сообщения*
Защита от автоматических сообщений