Гудагайскія школьнікі лепш за іншых ведаюць пра бяспеку
10:48 / 21.02.2019
У гэтым годзе ў ведах па бяспецы жыццядзейнасці спаборнічалі 80 вучняў. Традыцыйна канкурсанты выступалі ў трох катэгорыях: 1-4, 5-8 і 9-11 класы.
Спачатку школьнікам трэба было за 30 хвілін прайсці тэст з 50 пытанняў. Затым дзяцей чакала кароткае – усяго одна хвіліна, – але вельмі няпростае выпрабаванне: спаборніцтва ў майстэрстве слова. Вучні 1-4 класаў павінны былі расказаць, чаму нельга адкрываць дзверы незнаёмцам, 5-8 класаў – як паводзіць сябе, каб не здарылася надзвычайнай сітуацыі, а старшакласнікам – чаму трэба наведваць Цэнтр бяспекі.
У выніку атрымалася, што ізноў, як і ў мінулым годзе, лепш за ўсіх пра бяспеку жыццядзейнасці ведаюць гудагайскія школьнікі– яны ўзялі шесць прызавых месцаў з дзевяці.
Лепшыя веды па бяспецы сярод удзельнікаў 5-8 класаў паказала гудагайская вучаніца Вікторыя Валэйка. На другім месцы апынулася Паліна Ярмак з Міхалішкаўскай СШ, на трэцім – прадстаўнік Гудагайскай СШ Мікалай Лакамы.
Сярод 9-11 класаў першае месца заняла Анжаліка Субаткевіч з Альхоўскай СШ, другое і трэцяе – гудагайскія школьніцы Наталля Свіла і Дар’я Лукша адпаведна.
Пераможцы і прызёры атрымалі граматы, салодкія прызы і падарункі.
Аляксандр САЧАК, інспектар Астравецкага РАНС.
