Поделитесь с редакцией “АП” старыми фотоснимками

11:12 / 02.10.2018
1
Если в вашем семейном архиве сохранились старые фотоснимки – поделитесь ими с редакцией «Островецкой правды»: вместе мы создадим и сохраним для потомком фотоисторию нашего района.

І нават няважна, ці ведаеце вы людзей, якія трапілі ў аб’ектыў, ці знаёмыя вам мясціны, што адлюстраваны на чорна-белым адбітку, – іх хочацца разглядваць зноў і зноў, углядваючыся ў абрысы і выраз твараў, у фасон і крой адзення,  у дэталі на другім і нават на трэцім планах. І цікавасць гэтая ўзрастае ўдвая ці ўтрая, калі людзі і мясціны – знаёмыя. Старыя фотаздымкі– адна з найбольш аб’ектыўных старонак нашай гісторыі, якая паказвае тое, што было шмат гадоў таму, такім, якое яно было. 

У рэдакцыі ў Год малой радзімы ўзнікла ідэя: зрабіць архіў старых фотаздымкаў, на якіх адлюстраваны людзі, падзеі, мясціны Астравеччыны – вядома, з тым, каб пазнаёміць з гэтай фотагісторыяй нашых чытачоў. 

Старый Островец009 Фото от Светланы Мешкис.jpg

Фота з архіва Святланы МЕШКІС

Не, мы не настолькі сквапныя, каб прасіць вас, нашы шаноўныя чытачы, аддаць вашы сямейныя архівы – хоць, калі нехта захоча перадаць у архіў «Астравецкай праўды» арыгіналы старых фотаздымкаў, мы будзем вельмі ўдзячны і нават зной­дзем магчымасць заплаціць аўтарскае ўзнагароджанне. Калі ж для вас вельмі дарагія фотаздымкі з сямейнага архіва, вы можаце проста прынесці іх у рэдакцыю: мы іх адсканіруем і арыгіналы вернем уладальнікам. А калі з’явіцца ў рэдакцыю для вас складана – патэлефануйце, мы пастараемся прыехаць і зрабіць усё на месцы – у крайнім выпадку, пазычым у вас фотаздымкі на дзень-другі – і затым абавязкова вернем.

Дык як, напішам су­меснымі нама­ганнямі фотагісторыю Астравеччыны? Думаю, гэта будзе цікава і карысна для ўсіх нас, і  тым больш – для нашых нашчад­каў.



Текст: Нина Рыбик