Сямейны экіпаж КСУП “Гервяты” першы ў раёне намалаціў тысячу тон збожжа

Сямейны экіпаж КСУП “Гервяты” першы ў раёне намалаціў тысячу тон збожжа

17:17 / 01.08.2018
1355

Хлебаробы раёна наблізіліся да рубікону жніва: абмалочана палова занятых збажыной плошчаў. З самага пачатку ўборачнай кампаніі – нагадаю, першымі ў раёне сёлета пачалі ўбіраць новы ўраджай у КСУП “Гервяты” – у лідарах жніўнага спаборніцтва сярод камбайнерскіх экіпажаў трывала замацаваліся працаўнікі гэтай гаспадаркі. Заканамерна, што яны першымі і ўзышлі на жніўны алімп.

Тысячу тон збожжа першымі намалацілі Андрэй Іванавіч Вінцкусь і яго сын Мікіта. Хоць сын упершыню дапамагае бацьку ўбіраць ураджай, відаць, што бацькава навука ідзе хлопцу на карысць.

IMG_6182.jpg

Прама ў полі першыя “тысячнікі” прымалі віншаванні ад кіраўніцтва раёна і гаспадаркі, райкама прафсаюза работнікаў АПК і прафсаюзнай пярвічкі прадпрыемства.

– Нарэшце прыйшло свята і на нашу зямлю, – віншуючы пераможцаў жніўнага спаборніцтва і ўручаючы ім грашовыя прэміі, сказаў старшыня Астравецкага райвыканкама Ігар Яраслававіч Шалудзін. – У мінулы раз, віншуючы вас і вашых калег з першай намалочанай тысячай тон збожжа, я пажадаў, каб вы і надалей былі ў лідарах. Як бачыце, прагноз спраўдзіўся. Трымайце гэтую дынаміку і надалей, і няхай вас не падводзіць ні тэхніка, ні надвор’е.

IMG_6194.jpg

Першым “тысячнікам” заслужаную ўзнагароду ўручае старшыня Астравецкага райвыканкама І.Я. Шалудзін

Акрамя грашовай прэміі ад Гродзенскага абкама прафсаюза работнікаў аграпрамысловага комплексу, Андрэй Іванавіч і Мікіта Вінцкусі атрымалі грашовыя прэміі ад кіраўніцтва КСУП “Гервяты”.

Па ўмовах жніўнага спаборніцтва, грашовай прэміяй быў адзначаны і галоўны аграном КСУП “Гервяты” Аляксандр Паўлавіч Кавалька.

IMG_6200.jpg

Віншаванні прымае галоўны аграном КСУП “Гервяты” А.П. Кавалька

Лепшым хлебаробам музычны падарунак зрабілі артысты раённай культуры. 

З першых вуснаў

Камбайнер Андрэй Іванавіч Вінцкусь:

– Летась я другім у раёне намалаціў тысячу тон збожжа, сёлета – першы, ды яшчэ разам з сынам: ад гэтага ўдвая радасней.

IMG_6221.jpg

IMG_6188.jpg

IMG_6209.jpg


 

Текст: Алена Гануліч
Фото: Алена Гануліч
Оставить комментарий
Текст сообщения*
Защита от автоматических сообщений