Медалистов и победителей олимпиад чествовали в Островецком райисполкоме

10:47 / 11.06.2018
2327

Адораных  і таленавітых школьнікаў, іх бацькоў і настаўнікаў сустракалі на мінулым тыдні ў райвыканкаме – тут прайшло мерапрыемства па ўшанаванні моладзі, якая дасягнула поспехаў у вучобе і алімпіядным руху,  і іх трэнераў.

IMG_1356.jpg

Традыцыйнае мерапрыемства штогод збірае ў раённым выканаўчым камітэце школьнікаў, якімі ганарацца бацькі і педагогі,  якія прынеслі славу не толькі сваім навучальным установам, але і ўсяму раёну.

–  Калі ёсць такія таленавітыя дзеці, можна быць спакойным за будучыню нашай малой радзімы і ўсёй краіны ўвогуле. Упэўнены, што вы зможаце дасягнуць поспехаў у любых справах і павесці за сабой іншых. На вас ускладваюцца вялікія надзеі і спадзяванні, таму працягвайце радаваць поспехамі і дасягненнямі сваіх педагогаў і  бацькоў, –  павіншаваў “залатую” моладзь Астравеччыны старшыня раённага выканаўчага камітэта Ігар Яраслававіч Шалудзін.

IMG_1354 копия.jpg

Цёплыя словы падзякі і віншаванні старшыня райвыканкама адрасаваў бацькам і настаўнікам, якія знайшлі шлях да сваіх вучняў і разбудзілі ў іх прагу да ведаў і пазнання.

Падчас урачыстага мерапрыемства Ігар Яраслававіч Шалудзін уручыў медалістам,  пераможцам і прызерам алімпіяд прэміі раённага выканаўчага камітэта.

У сістэму адукацыі раёна ўкладваюцца немалыя грашовыя сродкі: штогод у горадзе адкрываюцца новыя дзіцячыя садкі, тры гады гады назад гарадскіх вучняў гасцінна сустрэла новая школа, у хуткім часе пачнецца будаўніцтва яшчэ адной сярэдняй установы. Ды і тым навучальным установам, якія былі ўзведзены не адзін дзясятак гадоў назад,  надаецца вялікая ўвага: праходзяць капітальныя і цякучыя рамонты, набываецца новае абсталяванняе, умацоўваецца матэрыяльна-тэхнічная база.

IMG_1409 копия.jpg

У намесніка старшыні райвыканкама Віктара Збігневіча Свілы падчас форуму таксама была пачэсная місія: ён уручыў прэміі райвыканкама настаўнікам, якія падрыхтавалі пераможцаў і прызёраў абласнога і заключнага этапаў  рэспубліканскай алімпіяды.

IMG_1411.jpg

Не засталіся ўбаку ад віншаванняў педагогі, бацькі і школьнікі. Ад імя “залатой” моладзі Астравеччыны словы ўдзячнасці настаўнікам, бацькам і прадстаўнікам улады выказалі Дзмітрый Крупнік і Яна Кавалеўская – усе свае дасягненні і перамогі адораныя школьнікі прысвяцілі роднаму гораду.


IMG_1351.jpg

IMG_1361.jpg

IMG_1363.jpg

IMG_1381.jpg

IMG_1387.jpg

IMG_1445.jpg

IMG_1456.jpg

IMG_1462.jpg

IMG_1465 копия.jpg

IMG_1487.jpg




Текст: Елена Ярошевич
Фото: Елена Ярошевич
Оставить комментарий
Текст сообщения*
Защита от автоматических сообщений