Выиграли грант, чтобы рассказать об Иосифе Гошкевиче

16:42 / 29.05.2018

У маёнтку Малі прайшлі апошнія гады жыцця Іосіфа Гашкевіча, першага расійскага консула Расіі ў Японію, дыпламата, місіянера і ўсходазнаўцы. Наш зямляк вядомы як аўтар першага японска-рускага слоўніка, ён лаўрэат поўнай Дзямідаўскай прэміі.

Иосиф_(Осип)_Антонович_Гошкевич.jpg

У гонар гэтага чалавека названа піянерская дружына Мальскага дзіцячага сада – пачатковай школы. Асоба Іосіфа Гашкевіча заўсёды была непахісным прыкладам патрыятызму для нашых школьнікаў, мы сабралі шмат матэрыялу аб жыцці і дзейнасці земляка. А вось каб зрабіць інфармацыю карыснай, даступнай і цікавай для ўсіх, каб мець магчымасць праводзіць інтэрактыўныя экскурсіі і выдаць інфармацыйны матэрыял для наведвальнікаў не хапала матэрыяльных сродкаў.

Дзякуючы перамозе ў конкурсе дабрачынных праектаў АТ ІК АБЭ, нам пашчасціла пераўтварыць мару ў рэальнасць: ва ўстанове была абноўлена экспазіцыя, прысвечаная Іосіфу Гашкевічу, распрацаваны шэраг экскурсій, якія ўключаюць ў сябе майстар-класы і пешаходныя маршруты, кожны госць атрымлівае на памяць сувенір.

На «знаёмства» з Іосіфам Гашкевічам да нас ужо прыязджалі вучні з астравецкіх і Гервяцкай сярэдніх школ.
Летам мы таксама будзем рады вітаць усіх жадаючых дакрануцца да культуры, акунуцца ў гісторыю сваёй малой радзімы і ў чарговы раз адчуць гонар за сваю краіну – і за славутых землякоў.

Іна САЛДАЦЕНКАВА,
намеснік дырэктара
Мальскага НПК.