Як Міхалішкі рыхтаваліся да «Дажынак»

14:56 / 25.11.2017
5028
Працягваем знаёміць чытачоў з добраўпарадкаваннем вёсачак і аграгарадкоў нашага раёна. Наступны прыпынак мы зрабілі ў Міхалішкаўскім сельскім Савеце. Як аграгарадок рыхтаваўся да свята працаўнікоў сельскай гаспадаркі «Дажынкі-2017» і што зроблена ў іншых населеных пунктах сельсавета – пра гэта ў сённяшнім матэрыяле.

Старшыню сельвыканкама Ві­­таля Іванавіча Івашкевіча мы сустрэлі  на адной з вуліц Міха­лішак. Ён разам з работ­нікамі завіхаўся ля старога яўрэйскага могільніка – вось-вось вакол яго з’явіцца  бетонная агароджа.
IMG_5417.jpg

– Навядзенню парадку на зям­лі ўдзяляецца вялікая ўва­га. А тут яшчэ і раённыя «Дажынкі» вырашылі праводзіць у нас – значыць, да іх аграгарадок неабходна абнавіць, –  расказвае Віталь Іванавіч. – Некалькі гадоў назад сельвыканкам перасяліўся ў но­вы будынак –  прыгожы, дыхтоўны, прасторны. А  за ім  размяшчаўся даволі вялікі кавалак тэрыторыі, парослай  дрэвамі і кустамі, з некалькімі напаўразваленымі фундаментамі. Паступова ўсё гэта прыбралі, зрабілі плані­роўку ўчастка, засеялі травой  і пасадзілі дрэвы. Пройдзе некалькі гадоў – і ў Міхалішках з’явіцца яшчэ адна паркавая зона.

Увагу сёлета ўдзялілі і старому парку ў цэнтры аграгарадка. Нягледзячы на тое што некалькі гадоў назад яго тэрыторыю добраўпарадкавалі –  выразалі старыя дрэвы, праклалі  дарожкі, пасадзілі дэкаратыўныя дрэвы і кусты, сёлета давялося выдаліць яшчэ некалькі аварыйных дрэў. У парку з’явіліся лавачкі – цяпер па ім прыемна не толькі прагуляцца, але можна прысесці і адпачыць. 
IMG_5378.jpg

Да «Дажынак» абнавілася і вуліца Кірава:   замест старога ас­фальту паклалі новы; адра­ман­тавалі тратуарныя дарожкі па вуліцах аграгарадка.
Па-гаспадарску аднесліся да падрыхтоўкі сваіх будынкаў да раённага свята многія арга­ні­зацыі. Так, КСУП «Міха­лішкі» па­фарбаваў дах і сцены адмі­ніст­рацыйнага будынка, до­б­ра­ўпарадкаваў прылеглую да яго тэрыторыю. 
IMG_5391.jpg
IMG_5393.jpg
IMG_5395.jpgIMG_5374.jpg
Змяніўся будынак аддзела культуры і вольнага часу – тут  таксама пафарбавалі дах і сцены, правялі бягучы рамонт памяшканняў.
IMG_5398.jpg

Папрыгажэў магазін астравецкага філіяла, а стары павільён «Ветрык» райспажыўтаварыства ўвогуле дэманціравала.

Прыемна, што і насельніцтва адгукаецца на прапановы сельсавета – сёлета амаль усе до­маўладальнікі Міхалішак па­фарбавалі свае агароджы – і аграгарадок  памаладзеў і па­пры­га­жэў. Падтрымалі ініцыя­тыву сельсавета  набыць фарбу і абнавіць платы ля сваіх дамоў і ў Вялікай Страчы. На чарзе – Страчанка, на жаль, тут  не ахвотна адгукнуліся на такую прапанову.

У невялікіх вёсачках – Сі­да­рыш­ках, Жукойнях Жаляд­скіх,  Ко­с­цевічах – жыхары за свой кошт  пры арганізацыйнай падтрымцы сельсавета выдалілі  на могілках старыя трухлявыя дрэвы. 

Былі знесены  пустуючыя  дамы і закапаны фундаменты ў  Вялікіх Стаўпянятах і Вераб’ях, выдалены  аварыйныя дрэвы ў Петрашышках, Альхоўцы і Міхалішках, закрыты  міні-палігоны ў Маркунах і Жукойнях, зроблены пад’езд да могілак у  Вялікай Страчы.
IMG_5358.jpg

– Наперадзе яшчэ шмат работы, – гаворыць Віталь Іванавіч. – Карыстаючыся выпадкам, хочацца падзякаваць усім, хто дапамагае сельвыканкаму   ў навядзенні парадку на зямлі і добраўпарадкаванні, а таксама жыхарам нашых аграгарадкоў і вёсак, якія з разуменнем  адносяцца да просьб і ініцыятыў сельсавета і аказваюць дапамогу не толькі словам, а і справай.


Текст: Елена Ярошевич
Фото: Елена Ярошевич
Оставить комментарий
Текст сообщения*
Защита от автоматических сообщений