Пагадненне аб эканамічным супрацоўніцтве з польскім горадам-пабрацімам падпісалі ў Астраўцы
Пагадненне аб эканамічным супрацоўніцтве паміж Астравецкім раёнам і Лідзбарскім паветам Рэспублікі Польша падпісалі сёння ў Астраўцы.
Падпісанне пагаднення прайшло ў Астравецкім райвыканкаме. З польскага боку яго падпісаў стараста Лідзбарскага павета Ян Хархай, з беларускага – старшыня Астравецкага райвыканкама Ігар Шалудзін.
Нагадаем, папярэдняе пагадненне аб эканамічным супрацоўніцтве паміж гарадамі-пабрацімамі было падпісана ў 2015 годзе.
Дэлегацыя Лідзбарскага павета на чале з яго старастам Янам Хархаем прыбыла ў Астравец у рамках святкавання 550-годдзя нашага горада. На працягу дня ў прадстаўнікоў дэлегацыі была магчымасць больш блізка пазнаёміцца з раёнам, яго знакамітымі мясцінамі і сацыяльна-эканамічным развіццём.