"Польское эхо Островца" покорило Минск
На традыцыйнай ярмарцы “Залатая восень”, якая на мінулым тыдні прайшла ў Мінску, выступіў хор “Польскае рэха Астраўца”. Варта адзначыць, што наш калектыў адзіны, хто прадстаўляў Гродзеншчыну ў сталіцы.
На адной сцэне палякі выступалі з нацыянальным акадэмічным народным хорам імя Цітовіча. І мінчане, якія ў гэты дзень завіталі на ярмарку, на “ўра” прынялі вясёлыя песні ў выкананні астравецкіх харыстаў.
– Мы выступалі ў двух аддзяленнях, – расказвае старшыня Астравецкага аддзялення саюза палякаў на Беларусі Тарэса Мацвееўна Мароз. – Нашу праграму складалі песні на польскай, беларускай, рускай і ўкраінскай мовах. У асабістай гутарцы першы намеснік міністра культуры Ірына Уладзіміраўна Дрыга дала станоўчую ацэнку нашаму выступленню.
Алена ГАНУЛІЧ.
