Данута Лукашэвіч малюе карціны іголкай

09:46 / 26.07.2022
397
«Мары дзіўныя,  увабраныя ў ніці» – пад такой назвай у Мальскай сельскай бібліятэцы працуе выстава карцін, створаных руплівымі рукамі Дануты Лукашэвіч. 

Жанчына захапілася вышыўкай у маладосці і з таго часу імкнулася ства­рыць свой стыль, удаска­нальваючы майстэрства. Спачатку яна ўпры­­гож­­вала адзенне і сурвэткі вытанчанымі і незвы­чайнымі ўзорамі, а пасля заха­пілася вышыўкай карцін. Гэта зачароўвала, супакойвала. Кожная работа Дануты Мечыславаўны адметная і непаў­торная, бо ў кожную яна ўкладвае часцінку сваёй душы. 

Лікі святых, пейзажы, нацюрморты – тэматыка карцін у жанчыны разнастайная. Шмат ідэй яна чэрпае з навакольнага свету. Часам, гледзячы на яе работы, здаецца, што трапіў на вясенні луг ці шпацыруеш па бяскрайнім лесе. Нешта «падказваюць» часопісы. Ведаючы пра захапленне Дануты Мечыславаўны, бібліятэкар прапануе для яе навінкі гэтых выданняў. 

Большасць карцін жанчына дорыць сябрам, родным і знаёмым. Нямала работ упрыгожваюць дом майстрыхі – там іх убачыў мясцовы бібліятэкар і прапанаваў арганізаваць выставу. Вышываныя творы Дануты Лукашэвіч выклікалі захапленне наведвальнікаў. На што жанчына сціпла зазначае: «Малюю не я – малюе іголка…»



Вольга ЗАЯНЧКОЎСКАЯ, Астравецкая раённая бібліятэка.


Оставить комментарий
Текст сообщения*
Защита от автоматических сообщений