Застрахаваць машыну можна і ў банку
10:33 / 31.01.2019
Акрамя страхавога агенцтва «Прамтрансінвест», якое знаходзіцца ў магазіне «Цэнтральны», страхавыя паслугі аказвае ЦБП №417 ААБ «Беларусбанк».
Адказвае Алена Грамбоўская, начальнік аддзела рознічных паслуг:
– Беларусбанк заключыў дагаворы на аказанне абавязковых і добраахвотных страхавых паслуг з Белдзяржстрахам, Белэксімгарантам і Прамтрансінвестам. У касах нашага цэнтра банкаўскіх паслуг і на адкрытых рабочых месцах можна аформіць страхоўку вадзіцельскай адказнасці, зялёную карту, страхоўку для выезду за мяжу, а таксама ад няшчасных выпадкаў, якія могуць там здарыцца, застрахаваць маёмасць і грамадзянскую адказнасць.
Дамоўленасць з Белэксімгарантам дае нам магчымасць афармляць абавязковае медыцынскае страхаванне.
Аказваем мы паслугі і па добраахвотным страхаванні ад траўм – у апошні час гэта паслуга запатрабаваная, асабліва ў адносінах да дзяцей.
Да слова, для ўладальнікаў клубных карт нашага банка на страхавыя паслугі прадастаўляецца 15%-ная зніжка.
