Галоўнай узнагародай Мікалай Міхедзенка лічыў жыццё
Дзед у адным з першых баёў трапіў у палон. Дзецям прыйшла пахаванка, яны заказалі ў царкве паніхіду за спачын яго душы.
А бацька тым часам знаходзіўся ў канцэнтрацыйным лагеры ў Германіі. Неаднойчы смерць хадзіла побач. Бог сцярог… Дзед расказваў, што выжыць дапамог ахоўнік – пажылы немец, які ў гады Першай сусветнай вайны быў у палоне пад Мазыром. Там да яго ставіліся па-людску – і ён «аддаваў даўгі» чалавечымі адносінамі да магчымых нашчадкаў людзей, дзякуючы якім застаўся тады жыць.
Калі палонных вызвалілі, былых вязняў прызвалі на ваенную службу: яны разбіралі і вывозілі ў Савецкі Саюз абсталяванне з нямецкіх заводаў. Так дзед трапіў у Чалябінск – і не ведаў, што ў гэтым жа горадзе ў школе фабрычна-заводскага навучання знаходзіцца яго сын Пятро, які адправіўся туды па вярбоўцы. Тады яны размінуліся – і зноў сустрэліся, калі праз некалькі гадоў сын, ужо жанаты, прыехаў у родную вёску пагасціць.
Дэмабілізаваўся і вярнуўся дахаты Мікалай Яўтухавіч толькі ў 1947-м. У яго, наколькі я памятаю, не было ўзнагарод, акрамя юбілейных медалёў, пра тое, што ён таксама ветэран, сталі ўспамінаць пазней – запрашаць на мітынгі, уручаць падарункі.
Але дзед не крыўдаваў – лічыў, што галоўная ўзнагарода, з якой ён вярнуўся з вайны, самая каштоўная і неацэнная – жыццё.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
