Спортсмены Островетчины отметили свой профессиональный праздник

Першым павіншаваць прысутных з прафесійным святам на сцэну падняўся намеснік старшыні райвыканкама Віктар Збігневіч Свіла.

– Спорт даўно стаў асобнай і важнай галіной у нашым раёне, – адзначыў Віктар Збігневіч. – Мы ганарымся дасягненнямі нашых спартсменаў – а ганарыцца ёсць чым! У сваю чаргу мы стараемся стварыць як мага больш спрыяльных умоў для таго, каб астравецкія спартсмены развіваліся, трэніраваліся, скаралі новыя вяршыні.

Словы віншаванняў Віктар Збігневіч Свіла падмацаваў узнагародамі.

Некалькі гадоў назад рашэннем райвыканкама былі зацверджаны штогадо выя прэміі ў галіне дзіцяча-юнацкага спорту за высокія вынікі на рэспубліканскіх і міжнародных спаборніцтвах. Сёлета гэта традыцыя прадоўжылася: матэрыяльнае заахвочванне за перамогі і прызавыя месцы на рэспубліканскіх спаборніцтвах атрымалі баксёры Марк Маргуж, Арцём Каспяровіч, Іван Стэх, Вадзім Мароз, Мікіта Ромаш, Яўген Красоўскі, Дзмітрый Хадорскі, Аляксандр Філіповіч. Не застаўся без увагі і трэнер юных баксёраў – Аляксей Зянонавіч Маргуж, які таксама быў адзначаны прэміяй.

Грашовую ўзнагароду атрымаў таксама і выхаванец трэнера Анатоля Мечыслававіча Кавалеўскага Яўген Бараноўскі з Гервяцкай сярэдняй школы.

Падзяку Астравецкай раённай арганізацыі Беларускага прафсаюзнага саюза работнікаў дзяржаўных і іншых устаноў атрымаў Вадзім Анатольевіч Лебядзевіч. А трэнер па боксе Аляксей Зянонавіч Маргуж быў узнагароджаны Ганаровай граматай Астравецкага райвыканкама.

Каштоўныя падарункі ад Астравецкага фізкультурна-спартыўнага клуба атрымалі Дзмітрый Карвэцкі, Дзмітрый Юцкевіч і Аіда Недалтоўская.

Шчырыя словы віншаванняў прагучалі ў адрас спартсменаў і іх трэнераў і ад імя начальніка аддзела адукацыі, спорту і турызму Наталлі Іосіфаўны Станкевіч. Свае віншаванні яна таксама дапоўніла ўзнагародамі: Ганаровай граматай Гродзенскага абласнога ўпраўлення фізічнай культуры, спорту і турызму адзначаны Вадзім Анатольевіч Лебядзевіч. Не засталіся без увагі і лепшыя спартсмены сярод школьнікаў, трэнеры і настаўнікі фізічнай культуры.

Серыю ўзнагарод і падарункаў прадоўжыла намеснік начальніка аддзела адукацыі, спорту і  турызму Таццяна Мікалаеўна Букель.

– Мы ганарымся кожным, хто праслаўляе на спартыўных алімпах нашу Астравеччыну, – падкрэсліла Таццяна Мікалаеўна. – І будзем імкнуцца да новых перамог!

А юныя артысты павіншавалі работнікаў фізічнай і спорту прыгожымі песнямі і вясёлымі танцамі.