Островецкие боксёры заняли первое место на областном первенстве

Мікіта Ромаш, Аляксандр Філіповіч, Дзмітрый Хадорскі, Вадзім Мароз, Арцём Іваніцкі, Арцём Рагавенка, Марк Маргуж – кожны ў сваёй вагавой і ўзроставай катэгорыі стаў бясспрэчным пераможцам. Дарэчы, Вадзім Мароз і Марк Маргуж закончылі свае фінальныя баі тэхнічным накаўтам. Акрамя гэтага, Марк атрымаў прыз лепшага байца турніру.

Іван Стэх стаў сярэбраным прызёрам спаборніцтва. У фінале ён сустракаўся са сваім жа таварышам Дзмітрыем Хадорскім.

Аляксандр Стаскойць, Яўген Красоўскі, Артур Боўша і Дзмітрый Юцкевіч заваявалі на рынгу бронзавыя медалі. Крыху менш пашанцавала Арцёму Каспяровічу – юнак заняў пятае месца.

У выніку – сем залатых, адзін сярэбраны і чатыры бронзавыя медалі – і першае агульнакаманднае месца нашых баксёраў. А Мікіта Ромаш, Арцём Каспяровіч, Аляксандр Філіповіч, Іван Стэх, Дзмітрый Хадорскі, Вадзім Мароз рыхтуюцца да ўдзелу ў першынстве рэспублікі.

Віншуем!