Островчанка Гелена Воронович заняла второе место на республиканской спартакиаде по шахматам
Гэлену Мечыславаўну Варановіч астраўчане ведаюць не толькі як вопытнага і адказнага кіраўніка Прадстаўніцтва Белдзяржстраха па Астравецкаму раёну, але і як актыўную спартсменку, якая неаднойчы займала пераможныя і прызавыя месцы на розных спаборніцтвах. Вось і нядаўна на традыцыйнай рэспубліканскай летняй спартакіядзе работнікаў Міністэрства фінансаў астраўчанка заняла другое месца па шахматах.– У гэтай спартакіядзе я ўдзельнічаю з 2008 года, – расказвае Гэлена Мечыславаўна. – Раней гуляла яшчэ і ў валейбол, зараз спынілася толькі на шахматах. Гуляць заўсёды цікава: адгадваць хады саперніка, назіраць за яго тактыкай і старацца быць на ход наперадзе. Ігракі на спаборніцтвах збіраюцца дастойныя, пагэтаму лёгкіх перамог не бывае. Аднак тым больш прыемны смак выйгрышу.
Астраўчанка сыграла сем партый: шэсць яна выйграла і толькі адну ўступіла прадстаўніку Віцебскай вобласці. У выніку Гэлена Мечыславаўна Варановіч стала сярэбранай прызёркай спартакіяды.
Віншуем!
--------------------------------
Марына МАЦКЕВІЧ.
![ТВой Островец - ТВОИ НОВОСТИ [Выпуск 597]](https://s3-minsk.becloud.by/upload-2e55aa12f76e1407437b032dfd606540/resize_cache/156796/2db0103e8ee1f8263dcb96cafe7f0f77/iblock/226/2264af7ee3ad0d6eb06497a3418d33bb/tv_597.jpg "ТВой Островец - ТВОИ НОВОСТИ [Выпуск 597]")
![ТВой Островец - ТВОИ НОВОСТИ [Выпуск 595]](https://s3-minsk.becloud.by/upload-2e55aa12f76e1407437b032dfd606540/resize_cache/156458/2db0103e8ee1f8263dcb96cafe7f0f77/iblock/05b/05b1bd1a201201b0fddd07a1c2cd1bfd/v_595.jpg "ТВой Островец - ТВОИ НОВОСТИ [Выпуск 595]")
