Команда предприятия мелиоративных систем одержала победу на Кубке Островецкого района по мини-футболу
Каманда прадпрыемства меліярацыйных сістэм у чарговы раз перамагла на Кубку Астравецкага раёна па міні-футболе сярод працоўных калектываў раёна.Разыграць права стаць лепшымі футбалістамі сабраліся шэсць каманд: аддзела пагранічнай службы «Гудагай», «ЭлектраСевКавМантаж», прадпрыемства меліярацыйных сістэм, раённага аддзела па надзвычайных сітуацыях, Астравецкага лясгаса і зборная Гудагая.
З дапамогай жараб’ёўкі ўдзельнікі раздзяліліся на дзве групы. У кожнай з іх каманды гулялі па кругавой сістэме, змагаючыся за права працягваць барацьбу далей.
Па выніках адборачных матчаў у першым паўфінале сышліся футбалісты ПМС і ЭСКМ. Ігракі кожнай каманды рабілі ўсё магчымае, каб выйсці ў фінал, але яўная перавага была на баку меліяратараў – 6:2. У другім паўфінале выратавальнікі абыгралі гудагайцаў з лікам 5:2.
Такім чынам, у рашаючым матчы сышліся каманды ПМС і РАНС. Ігракі абедзвюх каманд былі стомлены папярэднімі гульнямі, тым не менш з апошніх сіл змагаліся за перамогу. У выніку мацнейшымі сталі меліяратары – яны разграмілі выратавальнікаў з лікам 8:2.
![ТВой Островец - ТВОИ НОВОСТИ [Выпуск 597]](https://s3-minsk.becloud.by/upload-2e55aa12f76e1407437b032dfd606540/resize_cache/156796/2db0103e8ee1f8263dcb96cafe7f0f77/iblock/226/2264af7ee3ad0d6eb06497a3418d33bb/tv_597.jpg "ТВой Островец - ТВОИ НОВОСТИ [Выпуск 597]")
