Гордимся своим земляком Александром Козловским!

Спартсмен змагаўся з чатырнаццаццю лёгкаатлетамі ў маладзёжнай (U-23) катэгорыі. Адна з шасці спроб кідання кап’я аказалася выніковай і прынесла лёгкаатлету трэцяе месца. Наперад Аляксандр прапусціў толькі сапернікаў з Славеніі і Германіі.

У тэлефоннай размове Аляксандр падзяліўся ўражаннямі аб спаборніцтвах і сваёй перамозе:

– Асабліва хваляваўся за дзень да спаборніцтваў, таму што старт такога ўзроўню – першы ў маёй  спартыўнай кар’еры. А падчас выступлення страх і хваляванне зніклі: я проста рабіў сваю справу і кідаў кап’ё ў сваё задавальненне… У выніку стаў бронзавым прызёрам Кубка Еўропы – гэта не толькі цудоўны вопыт, але і добрая перспектыва для мяне як спартсмена.

Пасля заканчэння Гродзенскага дзяржаўнага вучылішча алімпійскага рэзерву Аляксандра Казлоўскага прызвалі ў армію ў спартыўную роту. Верыцца, што за бліскучым еўрапейскім стартам будуць і новыя перамогі.