Историю родной деревни сохраняет в фотографиях Владимир Пукшто
Уладзімір Іосіфавіч Пукшта – чалавек міхалісны. Менавіта так, насуперак усім магчымым нормам і правілам называюць прыналежнае да Міхалішак мясцовыя жыхары.
Лёс добра пабоўтаў, пашпыняў па жыццёвым моры Уладзіміра Іосіфавіча, але заўсёды вяртаў да родных вілейскіх берагоў.
На адным з іх Пукшта збудаваў прасторны дом для ўсёй сваёй немалой сям’і.
А назву рэчкі нават напісаў на шыльдзе школьнага аўтобуса, на якім падвозіў у школу мясцовых дзяцей.
Калі яго пыталі, чаму на аўтобусе замест маршрута напісана “Вілія”, ён адказваў: “Яна ж адна ва ўсім свеце!”.
Як і Міхалішкі – адна навек яго зямля. Радзіма.
А жыццё Уладзіміра Іосіфавіча – частка гісторыі гэтага старажытнага мястэчка.
На шчасце, захапленне Уладзіміра Іосіфавіча фатаграфіяй, дапамагае захаваць яе не толькі ў памяці, але і ў фотаздымках, якімі ён шчодра падзяліўся з чытачамі “Астравецкай праўды”.
----------------------------
Эдуард СВІРЫД.
Фота з архіва У.І. Пукшты.
