60 лет празднует автопарк №4 Островца
Першыя крокі
Восем аўтобусаў КАУЗ-651, 2 «пазікі», 2 аўтамабілі-таксі, 19 грузавікоў ГАЗ розных мадыфікацый і самазвалаў ЗІЛ, легкавая «Волга» – і гэта напачатку, а ўжо напрыканцы 1967 года аўтапарк налічваў 37 грузавых машын.
У 1966 годзе ў Астраўцы на вуліцы Ленінскай уведзена ў эксплуатацыю аўтастанцыя.
Праз год існавання арганізацыі тут працавала каля ста работнікаў, праз два – карта паездак налічвала 18 маршрутаў не толькі па раёне, але і па ўсёй краіне.
Рамонтных майстэрань не было, таму абслугоўвалі транспарт пад адкрытым небам. Шынамантажная і зона тэхабслугоўвання, дыспетчарская і майстэрні з’явіліся толькі ў першай палове 1970-х. Затым адкрылі вытворчы корпус з лініяй тэхабслугоўвання, пастом па замене масла, зварачным, кавальным і такарным аддзяленнямі.
У 1987 годзе калектыў аўтабазы вырас утрая, парк аўтамабіляў налічваў 140 машын. Тады ж змянілася назва на «Аўтамабільны парк №4 г.п. Астравец» вытворчага аб’яднання «Гроднааблаўтатранс».
А ў 1988-м уведзена ў эксплуатацыю аўтазаправачная станцыя.
Усё жыццё за рулём ветэраны працы Эдуард Якубцэвіч і Уладзімір Аўдзей
Выжыць і застацца
Як і ва ўсёй краіне, ліхія 90-я пракаціліся па Астравеччыне. У аўтапарку ў дзясяткі разоў знізіліся аб’ёмы перавозак, паменшылася колькасць транспарту і работнікаў. Аднак пабудаваць аўтамыйку і 3 шматпавярхоўкі для сямей працаўнікоў арганізацыя ўсё ж змагла: першы дом прыняў жыльцоў у 1990-м, астатнія два – у 1997-м…
У пачатку 2008 года калектыў аўтапарка налічваў 77 чалавек, з тэхнікі засталося дзясяткі з чатыры адзінак, ды і тая была добра зношанай. Прыгарадныя маршруты не прыносілі прыбытку, грузавыя машыны прастойвалі без работы, знізіліся міжгароднія перавозкі. Каб падтрымліваць тэрыторыю, будынкі і забяспечваць калектыў работай, даводзілася шукаць яе за межамі краіны – у Расіі.
Аўтобусы на рэйсе ў 2013 годзе
У 2009 годзе аўтамабільны парк №4 стаў філіялам Гроднааблаўтатранса, і, можна сказаць, з гэтага часу пачынаецца новы перыяд развіцця арганізацыі. А дапамагло змяніць сітуацыю да лепшага будаўніцтва на Астравеччыне атамнай электрастанцыі: дзякуючы заказам на перавозку грузаў і будаўнічых матэрыялаў аўтапарк у разы павялічыў аб’ёмы вытворчасці.
Рэканструкцыя аўтастанцыі, новыя грузавікі і аўтобусы, работа і годная зарплата – тэмп арганізацыя набрала хутка. У маі 2022 года тут працавала ўжо 93 чалавекі. Дзякуючы 13-ці новым самазвалам, у асноўным 20-тоннікам, і 12-ці аўтобусам абнавіўся і аўтапарк.
Актыўна сталі развівацца пасажыраперавозкі, здаваліся ў арэнду вытворчыя памяшканні, станцыя тэхабслугоўвання, стаянка.
Сёння: ісці наперад
– У параўнанні з мінулым годам паказальнікі развіцця нашай арганізацыі сёлета лепшыя, ідзём з прыбыткам, – адзначае дырэктар аўтапарка №4 Сяргей Сідарук. – Цесна ўзаемадзейнічаем з мясцовай уладай, заказчыкамі паслуг. Актыўна шукаем кліентаў. Так, нашы грузавікі працуюць у Віцебскай вобласці, Бабруйску, аўтобусы задзейнічаны на перавозцы пасажыраў на Віцебшчыне і Магілёўшчыне. Супрацоўнічаем з Гроднатурыстам і арганізацыямі па турыстычных паездках.
КІРАЎНІЦТВА ў АСОБАХ
Першым дырэктарам аўтабазы быў Мікалай Врублеўскі.
1968–1974 гг. – яго змяніў Іван Еўтуховіч.
1974–1977 гг. – дырэктар Сямён Домаш.
1977–1998 гг. – кіраўніком з’яўляўся Адам Стручко.
1998–2005 гг. – на пасадзе дырэктара Аляксандр Горбаль.
2005–2008 гг. – дырэктар прадпрыемства Аляксей Жыляк.
2008–2019 гг. – аўтапарк узначальвае Аляксандр Жук.
2020–2024 гг. – Віталь Салкевіч.
У 2024 годзе новым кіраўніком аўтапарка прызначаны Сяргей Сідарук.
МОВАЙ ЛІЧБАЎ
– На канец 1974 года ў аўтабазе працавала 265 чалавек, у тым ліку інжынерна-тэхнічныя работнікі – 18, вадзіцелі грузавых аўто – 101, аўтобусаў – 44, рамонтнікаў – 68.
– У 1977 годзе спіс працаўнікоў налічваў 270 чалавек.
– У 1988 годзе ў арганізацыі налічвалася 105 грузавых аўто, 39 аўтобусаў; працаваў 221 вадзіцель; перевезена звыш 1,7 млн грузаў.
– На пачатак 2005 года ў арганізацыі мелася 12 грузавых машын, 22 аўтобусы; калектыў – 94 чалавекі.
– Сёння штат работнікаў 76 чалавек, у парку машын 40 аўтобусаў,11 грузавікоў, 1 цягач і 4 легкавыя аўтамабілі.
![ТВой Островец - ТВОИ НОВОСТИ [Выпуск 478]](/cache/upload/iblock/8a9/4tudzmq11xrc3j5hqt17e633okekxfim/tv_478-225x150.jpg "ТВой Островец - ТВОИ НОВОСТИ [Выпуск 478]")
