Прафсаюзы – аграрыям: раённае аб’яднанне адзначыла на жніве сямейныя экіпажы
16:00 / 05.08.2024
Старшы камбайнер Дзмітрый Шэша з цесцем Іосіфам Козелам з РУП «Астравецкі саўгас «Падольскі» абмалочвае нівы 17-ты сезон. Гэты сямейны падрад першы ў гаспадарцы намалаціў тысячу тон збожжа.
Камбайнерскага майстэрства сыну і бацьку Івану і Аляксандру Герасімам з КСУП «Гудагай» не пазычаць. І ў пары, і паасобку яны штогод «набіваюць» па тысячы і больш тон. На панядзелак, 5 жніўня, гэты экіпаж замацаваўся на 3-й пазіцыі ў раёне з 1 722 тонамі.
Уручаючы граматы і грашовыя прэміі камбайнерам, прафсаюзны лідар раёна адзначыў, што ўборка саспелай збажыны сямейным экіпажам – высакародная справа.
