Цудоўны ўзрост і 60+, і 80+
19:00 / 20.11.2024
Фото cottonbro studio, Pexels
Спяшаюся ў паліклініку – і сустракаю даўнюю знаёмую, гераіню аднаго з колішніх нарысаў, якая ўжо вяртаецца адтуль.– Цудоўна выглядаеце! Стыльна! – засыпае мяне жанчына кампліментамі. – Зрэшты, як заўсёды… Што ж казаць: маладая…
– Ды ўжо ж, маладая, – усміхаюся ў адказ. – 60+…
– Ну дык жа не 80+… – уздыхае суразмоўца і змахвае нябачную пылінку са свайго белакіпеннага спартыўнага касцюма.
І мяняе тэму:
– А я вось схадзіла да ўрача, лякарствы выпісала, а цяпер у цырульню спяшаюся – заўтра ж свята ў горадзе, трэба «марафет» навесці.
…У свае 80+ хачу быць падобнай да гэтай сваёй знаёмай!
