Их объединяет запах хлеба: Лилия и Инна Тапути работают пекарями
Свякроў Лілія Тапуць і нявестка Іна Тапуць не адно дзесяцігоддзе займаюцца адной справай – яны хлебапёкі.
Лілія Тапуць прыйшла на Астравецкі хлебазавод 33 гады назад і ўжо 11 гадоў як на заслужаным адпачынку – аднак працуе: ну не адпускае жанчыну пах свежавыпечанага «цэгліка»!
– Мне падабаецца! – гаворыць вопытны хлебапёк. – Гэта больш чым работа, хутчэй – занятак, які прыносіць радасць, прыдачыняе да чароўнага дзейства. Бачыць, як нараджаецца хлеб, прыкладваць да гэтага сваю руку і часцінку душы – для мяне гэта важна.
Прыйшла «да хлеба» Лілія Паўлаўна з Дома быта – і прырасла да новай справы душой. Успамінаючы аб’ёмы работы трыццацігадовай даўніны, жанчына адзначае: цяжкавата было справіцца, столькі чорнага і белага хлеба тады пяклі. У тры змены працавалі. Але і цяпер работы хапае: і булкі хлебапёкі пякуць, і батоны «катаюць»…
Поруч са свякроўю за пекарскім «сталом» стаіць нявестка – Іна Тапуць. Гэта ва ўсіх сэнсах надзейная змена Ліліі Паўлаўне. Яна і вопыт старэйшай калегі пераймае, і па графіку работы яе змяняе. Але даволі часта ім даводзіцца працаваць у дружным тандэме.
– Мы дапамагаем адна адной, бо і працуем разам, і жывём, – расказвае Іна Чаславаўна. – І хоць пекарскі стаж у мяне ўжо больш за дзесяць гадоў, усё так жа прыслухоўваюся да парад свекрыві, падглядваю сакрэты работы ў растойцы, выпечцы, тэмпературах, пры якіх цеста «ажывае» і выпякаецца.... Ва ўсім стараюся раўняцца на яе. Паўлаўна для мяне прыклад не толькі ў прафесіі – у яе вельмі смачная дамашняя выпечка: шарлотка, пірагі, кексы.
Іна Чаславаўна ганарыцца тым, что яна хлебапёк, хоць працавала «на макаронах», была фармоўшчыцай.
Пра агульную справу жанчыны не забываюць і дома: як прайшла змена, колькі і чаго спяклі, як павяло сябе цеста, ці «сакавітая» атрымалася на хлебе скарыначка?.. Абмеркаваць гэта для іх – неабходнасць!
…Прыходзячы на работу, Лілія і Іна Тапуці забываюць пра ўсё старонняе, таму што ўпэўнены: смачны хлеб толькі тады, калі пячэш яго ў добрым настроі і з душой.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.