В полуфинал конкурса “Я патриот своей страны” вышел островчанин Владислав Василевский

У паўфінал рэспубліканскага конкурсу “Я патрыёт сваёй краіны” выйшаў астравецкі гімназіст.

За пуцёўку на абласны этап гэтага спаборніцтва змагаліся 10-класнікі, якія маюць высокія паказчыкі ў вучобе, актыўна займаюцца грамадскай, спартыўнай і валанцёрскай дзейнасцямі, з’яўляюцца лідарамі вучнёўскага самакіравання і актывістамі грамадскіх аб’яднанняў, навучэнцамі ваенна-патрыятычных клубаў і класаў.

Магчымасцю скарысталася 7 школьнікаў раёна: Дамініка Кармаза з Рымдзюнскай СШ, Соф’я Даўляш з СШ №1, Аліцыя Куліс з Гервяцкай СШ, Паліна Грэцкая з СШ №3, Лізавета Мікліс з СШ №2, Дамініка Варапай з Варнянскай СШ і Уладзіслаў Васілеўскі з гімназіі №1.

Канкурсантам прапанавалі паказаць свае здольнасці і творчы патэнцыял у пяці выпрабаваннях.

Так, у “Візітнай картцы” найвышэйшы бал атрымаў Уладзіслаў Васілеўскі.

У творчым конкурсе “Я магу” лепшымі былі ўдзельнікі астравецкай гімназіі, Варнянскай і Рымдзюнскай школ. Улад чытаў верш Андрэя Дзяменцьева “Ні аб чым не шкадуйце”, Дамініка Кармаза – Мусы Джаліля “Панчошкі”, а Дамініка Варапай з дапамогай групы падтрымкі зрабіла харэаграфічную замалёўку на песню Юліі Паршуты “Месяц май”.

Лепшыя відэаматэрыялы ў намінацыі “Мая краіна” атрымаліся, як і ў папярэднім конкурсе, у дзвюх Дамінік і Уладзіслава.

Пра подзвіг нашага народа ў гады Вялікай Айчыннай вайны і асабісты ўнёсак у развіццё рэгіёну найлепш апісалі ў эсэ “Пра тую вясну…” астравецкі гімназіст і варнянская школьніца.

Інтэлектуальна-пазнавальная гульня “Памяць пакаленняў” аказалася для канкурсантаў складанай.

У выніку 3 месца заняла Лізавета Мікліс, 2-е – падзялілі Дамініка Кармаза і Дамініка Варапай. Перамогу святкаваў Уладзіслаў Васілеўскі.

У канцы лютага юнак прадставіць наш раён на абласным этапе конкурсу ў Гродне.

Пажадаем хлопцу поспеху!

СЛОВА

… АРГАНІЗАТАРУ

Крысціна Юргелянец, старшыня раённага савета ГА БРПА:

– Конкурс праводзіцца ў межах беларуска-расійскага праекта “Цягнік Памяці ” – пераможцы стануць яго непасрэднымі ўдзельнікамі: праедуць па знакавых мясцінах дзвюх краін. А яшчэ гэта ўнікальная магчымасць для самарэалізацыі маладзёжных лідараў, пераймання вопыту і дэманстрацыі сваіх напрацовак.

…ЖУРЫ

Вольга Максімава, першы сакратар Астравецкага райкама БРСМ:

– Дзякуй усім удзельнікам – адчула сапраўдныя задавальненне і гордасць за нашу моладзь. Прыемна, што вы адказна падышлі да падрыхтоўкі, дэталёва прадумалі выступленні – усе яны былі рознымі.

Але нам трэба было выбраць толькі аднаго – таго, хто пазмагаецца за права праехаць маршрутам “Цягніка Памяці”.

… ПЕРАМОЖЦУ

Уладзіслаў Васілеўскі:

– Паўдзельнічаць у конкурсе прапанавалі настаўнікі Дзіяна Чаславаўна Жытковіч і Алена Іванаўна Власенка, яны выступалі і галоўнымі экспертамі маіх падрыхтоўчых работ: я накідваў ідэі – яны карэктавалі. Пра перамогу не думаў, галоўным было годна прадставіць сябе. (Усміхаецца.) Найбольш перажываў за творчы нумар. Цяпер давядзецца “папацець” яшчэ раз – добра, што на падрыхтоўку да абласнога этапу амаль месяц, спадзяюся, годна прадстаўлю Астравеччыну.

Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал «Островецкая правда»  – всё самое интересное из жизни Островца и Островецкого района. 

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.