А вы падрыхтавалі дакументы?
Як паказвае практыка, з надыходам вясны значна павялічваецца колькасць грамадзян, якія звяртаюцца ў падраздзяленне па грамадзянству і міграцыі па пытанню атрымання або абмену пашпартоў.
У першую чаргу гэта звязана з тым, што вялікая колькасць грамадзян аддае перавагу адпачынку за мяжой. Таксама не менш важную ролю сыграла паведамленне аб павелічэнні цэн на аўтамабілі, якія ўвозяцца з-за мяжы. Шмат нашых суграмадзян імкнецца набыць транспарт па-за межамі Беларусі да 1 ліпеня 2011 года. А для таго, каб выехаць за межы нашай краіны, грамадзяніну Рэспублікі Беларусь неабходна мець дакумент, які пацвярджае асобу, – пашпарт, у тым ліку і непаўналетняму дзіцяці, прызначаны для выезду і ўезду ў Беларусь.
Разам з тым, хацелася б нагадаць, што ў сувязі са зменамі ад 5 красавіка 2010 года ў Візавым кодэксе Еўрасаюза, для афармлення віз і ўезду ў краіны Еўрасаюза грамадзянам Рэспублікі Беларусь прад’яўляюцца наступныя патрабаванні: наяўнасць не менш дзвюх чыстых старонак у пашпарце, тэрмін дзеяння гэтага дакумента не павінен перавышаць 10 гадоў.
Акрамя гэтага нагадваем, што ўжо хутка пачынаюцца дзяржаўнае тэсціраванне і ўступныя экзамены ў навучальныя ўстановы, а для ўдзелу ў іх 16-гадовых грамадзян проста не дапусцяць без пашпарта.
У выпадку выезду непаўналетніх за межы Беларусі без суправаджэння законных прадстаўнікоў, супрацоўнікам пагранічнай службы павінна быць прадастаўлена пісьмовая згода абодвух законных прадстаўнікоў, пры гэтым яна павінна быць зацверджана натарыусам ці іншай абавязанай асобай, якія маюць права здзяйсняць такое натарыяльнае дзеянне, або абавязанай асобай падраздзялення па грамадзянству і міграцыі аддзела ўнутраных спраў па месцы жыхарства законнага прадстаўніка ці непаўналетняга, або кампетэнтным органам ці абавязанай асобай замежнай дзяржавы.
Калі вас цікавяць яшчэ якія-небудзь пытанні, смела звяртайцеся ў групу па грамадзянству і міграцыі. Нагадваем, што прыём грамадзян здзяйсняецца: панядзелак, чацвер – з 8.00 да 13.00; аўторак, пятніца – з 8.00 да 17.00; серада – з 11.00 да 20.00; субота – з 9.00 да 13.00.
Н. АНІМУЦКАЯ, старшы інспектар групы па грамадзянству і міграцыі.
