100 идей для Беларуси от школьников Островетчины
Двое астравецкіх школьнікаў сталі пераможцамі занальнага этапу рэспубліканскага маладзёжнага конкурсу “100 ідэй для Беларусі”, арганізатарам якога з’яўляецца Беларускі рэспубліканскі саюз моладзі.
Першы этап конкурсу праходзіў у Ашмянах – падзяліцца сваімі цікавымі ідэямі сюды прыехалі маладыя “разумнікі” з Астравецкага, Смаргонскага і Ашмянскага раёнаў.
Антон Юркойць з Варнянскага НПК, Аляксандр Нагорскі з СШ №1, Данііл Свешнікаў з Альхоўскай сярэдняй школы, Ганна Мядэкша з гімназіі №1 і Павел Дуброўскі з Міхалішкаўскай сярэдняй школы – гэтая пяцёрка нашых юных наватараў рызыкнула падзяліцца з публікай арыгінальнымі ідэямі. Кожны з іх падрыхтаваў і прадставіў на суд журы свой творчы праект.
І работы астраўчан не засталіся без увагі. Аляксандр Нагорскі, які прэзентаваў даследаванне “Род “Гваздзіка” ў флоры Рэспублікі Беларусь”, атрымаў Падзячны ліст Гродзенскага абласнога камітэта БРСМ. А гімназістка Ганна Мядэкша з медыцынскім праектам “Выкарыстанне элементаў ірыдадыягностыкі пры комплексным вызначэнні функцыянальнага стану арганізма чалавека” і вучань Міхалішкаўскай СШ Павел Дуброўскі, які прадставіў работу “Сарачанскія азёры – “жамчужына” Астравецкага краю” ўвайшлі ў лік пераможцаў занальнага этапу конкурсу і атрымалі спецыяльныя падарункі.
Марына МАЦКЕВІЧ
