Студенты-строители стали участниками профилактической акции а рамках реализации проекта "Островец - здоровый город"

На сустрэчу да моладзі завіталі спецыялісты Гродзенскага абласнога цэнтра гігіены, эпідэміялогіі і грамадскага здароўя, Гродзенскага абласнога клінічнага цэнтра “Псіхіатрыя – наркалогія”, Раённага цэнтра гігіены і эпідэміялогіі, Астравецкай цэнтральнай раённай бальніцы, Беларускага рэспубліканскага саюза моладзі і аддзела ідэалагічнай работы, культуры і па справах моладзі, якія і сталі арганізатарамі  прафілактычнай акцыі.

Прафілактычны дэсант, паўдзельнічаць у якім змаглі  больш за сто студэнтаў, складаўся з дзвюх частак.

Спачатку прысутным  прапанавалі паглядзець відэафільм “Штучнае шчасце”, размова ў якім ішла пра выкарыстанне наркатычных і псіхатропных сродкаў, а потым студэнты разышліся па аўдыторыях на своеасаблівыя прафілактычныя майстар-класы.

Так, загадчыца аддзела грамадскага здароўя  абласнога цэнтра гігіены, эпідэміялогіі і грамадскага здароўя Ірына Дубок расказала студэнтам пра шкодныя наступствы курэння. Урач-валеолаг гэтага ж цэнтра Людміла Валкуновіч правяла прафілактычныя заняткі па прафілактыцы ВІЧ-інфекцыі. Спецыяліст па сацыяльнай рабоце абласнога цэнтра “Псіхіятрыя –     наркалогія” Наталля Тальвінская расказвала пра наступствы выкарыстання псіхатропных рэчываў. Актуальную тэму для асвятлення выбрала і псіхолаг абласнога цэнтра гігіены Ларыса Капцеўская – яна вучыла студэнтаў пазбягаць стрэсаў. А ўрач Астравецкай цэнтральнай раённай бальніцы Аляксандр Касіла правёў заняткі па аказанні першай медыцынскай дапамогі.

Напрыканцы сустрэчы студэнты  паўдзельнічалі ў бліц-апытанні “Я і здароўе” і яшчэ раз упэўніліся ў тым, што, каб быць здаровым,  трэба гэтага хацець.