Гудогайские школьники заняли второе место на Международной интернет-олимпиаде "Эрудиты планеты"

На працягу трох месяцаў, пачынаючы з 14 кастрычніка, каманда вучняў 8 “А” педагагічнага класа Гудагайскай СШ пад назвай “Emerald” прымала ўдзел у XIII Міжнароднай інтэрнэт-алімпіядзе “Эрудыты планеты-2014”.

Тры этапы і 18 тураў – і ўсё ў анлайн рэжыме. У зручны для сябе час кожная каманда заходзіла на асабістую старонку афіцыйнага сайта алімпіяды і выконвала заданні чарговага тура.

Падчас першага і другога этапаў да кожнага пытання даваліся чатыры адказы, і толькі адзін з іх быў правільным. Трэці праводзіўся па ўскладненай схеме – варыянтаў адказаў не было.

Каб адказаць на 20 пытанняў, камандзе адводзілася 120 хвілін заліковага часу. Праўда, падчас выканання заданняў можна было карыстацца любымі даступнымі крыніцамі інфармацыі: энцыклапедыямі, даведнікамі, пошукавымі сістэмамі ў сетцы інтэрнэт, тэлефоннымі запытамі і іншымі. За правільны адказ камандзе налічваліся 3 балы. А за кожныя сэканомленыя 5 хвілін удзельнікі алімпіяды атрымлівалі па аднаму прэміяльнаму балу.

Заданні ўтрымлівалі пытанні розных катэгорый складанасці з гісторыі, геаграфіі, літаратуры, фізікі, біялогіі, матэматыкі, спорту, палітыкі, мастацтва, медыцыны, прыродазнаўства, эканомікі, бізнесу, прадпрымальніцтва, астраноміі, вынаходніцтва і іншых дысцыплін.

Вучні настолькі захапіліся ўдзелам у інтэлектуальным спаборніцтве, што з нецярпеннем чакалі аўторка

і чацвярга – менавіта ў гэтыя дні праходзіла алімпіяда.

У нашай узроставай групе прымалі ўдзел 23 каманды з розных куткоў Расіі і 2 каманды з Беларусі. Барацьба была вельмі напружанай, але больш за ўсё нас парадаваў вынік: у XIII Міжнароднай інтэрнэт-алімпіядзе “Эрудыты планеты-2014” каманда педагагічнага класа Гудагайскай школы “Emerald” заняла другое месца.