"Выбирай.BY" пройдёт и в Островце

Расказаць больш падрабязна пра гэтае мерапрыемства, падзяліцца ўражаннем ад праекта, а таксама паведаміць, як ён рэалізоўваецца на Астравеччыне, мы папрасілі першага сакратара райкама БРСМ Аксану Лазараву.

– Па-першае, гэта цудоўная магчымасць паўплываць на выбар будучыні сваёй краіны – ці не гэта галоўная задача кожнага грамадзяніна Рэспублікі Беларусь? Нездарма ж аўтары праекта назвалі яго менавіта “ВЫБІРАЙ.BY”. Па-другое, гэта магчымасць паспрабаваць сябе ў ролі аратара, навучыцца па-майстэрску прыводзіць довады і аргументы, граматна і ўпэўнена адстойваць свой пункт гледжання і, галоўнае, адкрыта выказаць сваё меркаванне на розныя тэмы. Па-трэцяе, гэта проста вельмі цікавы праект: дэбаты праходзяць у форме дыскусій, а падчас дыскусій, як вядома, нараджаецца ісціна. Назіраць за гэтым – адно задавальненне.

– За сталом сабраліся дзве каманды: “Выбар маладых” – зборная маладзёжных лідараў Гродзенскай, Брэсцкай абласцей і горада Мінска, якую ўзначальваў першы сакратар Гродзенскага абкама Аляксандр Коўш, і каманда “Голас народа” – моладзь Магілёўскай, Мінскай, Гомельскай і Віцебскай абласцей на чале з капітанам з Магілёва Паўлам Алексам. Вядучым выступіў палітолаг, публіцыст, галоўны рэдактар грамадска-палітычнага і навукова-палітычнага журнала "Беларуская думка" Вадзім Гігін, а ў ролі незалежных экспертаў – намеснік Главы Адміністрацыі Прэзідэнта Рэспублікі Беларусь Ігар Бузоўскі, старшыня ЦВК Беларусі Лідзія Ярмошына, першы сакратар ЦК БРСМ Андрэй Белякоў, старшыня ГА “Беларускі саюз жанчын” Надзея Ермакова, прадстаўнікі грамадскіх аб'яднанняў "Белая Русь", Федэрацыі прафсаюзаў, камуністычнай партыі Беларусі. Дэбаты праходзілі ў тры этапы: спачатку каманды прадставілі сябе і аргументавалі сутнасць сваёй назвы, затым прадстаўнікі кожнай па чарзе задавалі адзін аднаму пытанні, а ў апошнім этапе пытанні моладзі задавалі эксперты. Удзельнікі аналізавалі сучасную выбарчую сістэму, параўноўвалі яе з сістэмамі іншых краін, выказвалі свае прапановы і ідэі. Дыскусіі праходзілі дынамічна і цікава.

– Было цікава назіраць, як апаненты літаральна за хвіліну знаходзілі зразумелыя і разумныя адказы, патрэбныя словы і прыклады, каб выразіць свае думкі. Было бачна, што ўдзельнікі  хвалююцца, – і часам ім прыходзілася складана, але гэта лішні раз дэманстравала іх шчырасць і жаданне адстаяць сваё меркаванне. Гэта былі сапраўды жывыя, шчырыя і дынамічныя стасункі моладзі ў форме дыскусій, энергетыкай ад якіх зараджаліся не толькі ўдзельнікі, але і прысутныя.

– Канешне, адкрытыя дэбаты “ВЫБІРАЙ.BY” пройдуць і ў нас. Мы плануем правесці іх у верасні. З тэмай пакуль канчаткова не вызначыліся, бо існуе шмат варыянтаў. Пастараемся выбраць цікавую і актуальную для нашага раёна. Дарэчы, магчыма, такое мерапрыемства пройдзе не адзін раз, бо праект “ВЫБІРАЙ.BY” аб’яўлены доўгатэрміновым, а цікавых тэм для дыскусій хапае.