Воспитывать бережливость с детства

Як правільна і паспяхова арганізаваць выхаванне дашкольнікаў і сфарміраваць у дзяцей культур беражлівых адносін да прыроды?
Менавіта гэтым пытаннем задаліся педагогі дашкольнага цэнтра развіцця дзіцяці №1 – і арганізавалі для выхаванцаў садка і іх бацькоў свята беражлівасці.

На працягу дня дашкольнікі і іх бацькі, а таксама педагогі  вучыліся  берагчы ваду,электраэнергію, цяпло і нават чыстае паветра.
Дзень беражлівасці ў садку пачаўся з акцыі “Нашы дзеці – берагошы”, калі выхаванцы старшай групы ўручалі малодшым дзецям сімвалы беражлівасці і расказвалі простыя правілы зберажэння. З гэтага дня ў садку ўстанавілі асобныя кантэйнеры для смецця: папяровыя адходы дзеці складвалі ў адны смеццевыя скрынкі, іншыя бытавыя  адходы – у другія.
Педагогі  таксама  не  засталіся  ўбаку  ад  добрай  справы  –  яны  раздавалі  бацькам  памяткі па  энергазберажэнні.  Ды  і  бацькі  сталі  самымі актыўнымі ўдзельнікамі святочных мерапрыемстваў – яны разам з дзецьмі стваралі плакаты, насценгазеты і нават мультымедыйныя прэзентацыі, прысвечаныя беражлівасці.
Так, сям’я Грынцэвіч  задалася пытаннем: ці можна берагчы ўсё і адразу? І, прааналізаваўшы сітуацыю,  прыйшла да высновы, што можна і трэба! І падрабязна пра гэта расказала ў фотарэпартажы.
Цікавыя  насценгазеты  падрыхтавалі  сем’і Лаўрэцкіх ,  Фалевіч,  Грыневіч,  Апалінскіх,Мацкевіч,  Мілаш,  Якубцэвіч , Бордак,  Салавей, Мілешка,  Дзіканчук ,  Сельвановіч ,  Трэйгіс,  Ваховіч, Змітровіч.
Наперадзе ўсіх чакала яшчэ свята для бацькоў і педагогаў раёна “Берагоша і яго сябры”. Дашкольнікі не толькі расказалі бацькам, чаму так важна зберагаць цяпло, ваду і электраэнергію, але і паабяцалі рабіць гэта кожны дзень.
А кульмінацыяй Дня беражлівасці стаў збор макулатуры. Дзякуючы дашкольнікам, іх бацькам і педагогам дашкольнага цэнтра ўдалося сабраць 1630 кілаграмаў макулатуры.

__________________

Алена Ярашэвіч.

Фота з сайта tumbotino1.ucoz.ru.